ବୌଦ୍ଧ (ଏଏନଏସ) ୨୭/୧୨: ବିଦ୍ୟୁତ ଆଘାତରେ ଶ୍ରମିକଙ୍କ ମୃତ୍ୟୁ। ଏହି ଘଟଣାଟି ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ୍ ନୂଆପଡ଼ା ଗ୍ରାମରେ ଘଟିଛି । ମୃତକ ହେଲେ ଚମ୍ପାମାଲ ଗ୍ରାମର ମାନସ ନାଏକ ।
ସୂଚନା ଅନୁଯାୟୀ ମାନସ ନୂଆପଡା ଗ୍ରାମର ଟିକିରାସାହିଠାରେ ଏକ ନିର୍ମାଣାଧୀନ ଘରର ଛାତ ପକାଇବାକୁ ପ୍ରସ୍ତୁତି କରୁଥିବା ସମୟରେ ଛାତ ଉପର ଦେଇ ଯାଇଥିବା ୩୩ କେଭି ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ । ଘଟଣାସ୍ଥଳରେ କାମ କରୁଥିବା ଅନ୍ୟ ଶ୍ରମିକମାନେ ତାଙ୍କୁ ଉଦ୍ଧାର କରି ପୁରୁଣା କଟକ ମେଡିକାଲରେ ଭର୍ତ୍ତି କରିଥିଲେ । କିନ୍ତୁ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ସୂଚନା ପାଇ ପୁରୁଣା କଟକ ପୋଲିସ ଘଟଣାସ୍ଥଳରେ ପହଞ୍ଚି ମୃତ ଦେହ ଜବତ କରିବା ସହ ଘଟଣାର ଅଧିକ ତଦନ୍ତ ଜାରି ରଖିଛି ।