ନୂଆଦିଲ୍ଲୀ, ଅନ୍ତର୍ଜାତୀୟ କ୍ରିକେଟରେ ୧୦ ହଜାର ରନ୍ ପୂରଣ କରିଛନ୍ତି ଭାରତୀୟ ମହିଳା କ୍ରିକେଟର ମିଥାଲି ରାଜ । ଏହି କୀର୍ତ୍ତିମାନ ସ୍ଥାପନ କରି ରେକର୍ଡ ବୁକରେ ନିଜ ନାମ ସାମିଲ କରିନେଇଛନ୍ତି ମିଥାଲି । ଲକ୍ଷ୍ନୌରେ ଚାଲିଥିବା ଦକ୍ଷିଣ ଆଫ୍ରିକା ବିପକ୍ଷ ୩ୟ ଦିନିକିଆରେ ମିତାଲି ଏହି ରେକର୍ଡ କରିବାରେ ସକ୍ଷମ ହୋଇପାରିଛନ୍ତି । ସେହିପରି ବିଶ୍ୱର ଦ୍ୱିତୀୟ ମହିଳା ଭାବେ ମିତାଲି ଏହି କୀର୍ତ୍ତି ସ୍ଥାପନ କରିଛନ୍ତି । ଅନ୍ତର୍ଜାତୀୟ କ୍ରିକେଟରେ ୧୦ ହଜାର ରନ୍ ପୂରଣ କରିବାରେ ପ୍ରଥମ ମହିଳା ହେଉଛନ୍ତି କାର୍ଲୋଟ୍ଟେ ଏଡୱାର୍ଡସ । ତେବେ ଏହି ସଫଳତା ହାସଲ ପରେ ବଡ ବଡ କ୍ରିକେଟର ମିତାଲିଙ୍କୁ ଏଥିପାଇଁ ଅଭିନନ୍ଦନ ଏବଂ ଶୁଭକାମନା ଜଣାଇଛନ୍ତି ।
