ହକି ବିଶ୍ବକପରେ ଆଜିଠାରୁ ଆରମ୍ଭ କ୍ବାର୍ଟର ଫାଇନାଲ ପର୍ଯ୍ୟାୟ । ଭୁବନେଶ୍ବର କଳିଙ୍ଗ ଷ୍ଟାଡିୟମରେ ଆଜି ଦୁଇଟି ମ୍ୟାଚ । ଅପରାହ୍ନ ୪ଟା ୩୦ରେ ଅଷ୍ଟ୍ରେଲିଆ ଓ ସ୍ପେନ ମଧ୍ୟରେ ହେବ ପ୍ରଥମ କ୍ବାର୍ଟର ଫାଇନାଲ ଟକ୍କର । ସେହିପରି ସଂଧ୍ୟା ୭ଟାରେ ବେଲଜିୟମକୁ ଭେଟିବ ନ୍ୟୁଜିଲାଣ୍ଡସ ।
କ୍ବାର୍ଟର ଫାଇନାଲ ମୁକାବିଲା ଆରମ୍ଭ ହୋଇଥିବାରୁ ହକିପ୍ରେମୀଙ୍କୁ ମଧ୍ୟରେ ଉତ୍କଣ୍ଠା ବଢିଛି । ସେପରେ ଗତକାଲି ଶେଷ ଟିମ ଭାବେ କ୍ବାର୍ଟରରେ ପ୍ରବେଶ କରିଛି କୋରିଆ । ପେନାଲ୍ଟି ସୁଟଆଉଟରେ ଆର୍ଜେଣ୍ଟିନାକୁ ୩-୨ ଗୋଲରେ ପରାସ୍ତ କରି କ୍ବାର୍ଟରରେ ପହଞ୍ଚିଛି କୋରିଆ । ସେହିପରି ପ୍ରଥମ କ୍ରସଓଭରରେ ଫ୍ରାନ୍ସକୁ ହରାଇ କ୍ବାର୍ଟର ଫାଇନାଲରେ ପ୍ରବେଶ କରିଛି ଜର୍ମାନୀ । ସପ୍ତମ ଦେଶ ଭାବେ ଫ୍ରାନ୍ସ କୁ ୫-୧ ଗୋଲରେ ହରାଇ କ୍ବାର୍ଟର ଫାଇନାଲରେ ପହଞ୍ଚିଛି ଜର୍ମାନୀ । ଫଳରେ ଅଷ୍ଟ୍ରେଲିଆ, ସ୍ପେନ୍, ବେଲଜିୟମ, ନିଉଜିଲ୍ୟାଣ୍ଡ, ନେଦରଲାଣ୍ଡସ, କୋରିଆ, ଇଂଲଣ୍ଡ, ଜର୍ମାନୀ କ୍ବାର୍ଟରରେ ପ୍ରବେଶ କରିଛନ୍ତି ।
ଆଜି ଓ ଆସନ୍ତାକାଲି ଭୁବନେଶ୍ୱର କଳିଙ୍ଗ ଷ୍ଟାଡିୟମ ରେ ଖେଳାଯିବ କ୍ବାର୍ଟର ଫାଇନାଲର ସମସ୍ତ ୪ଟି ମ୍ୟାଚ୍ । ଆଜି ଅଷ୍ଟ୍ରେଲିଆ-ସ୍ପେନ ଓ ବେଲଜିୟମ- ନ୍ୟୁଜିଲାଣ୍ଡ ଟକ୍କର ହେବାକୁ ଥିବା ବେଳେ ଆସନ୍ତାକାଲି ନେଦରଲ୍ୟାଣ୍ଡସ୍- କୋରିଆ ଓ ଇଂଲଣ୍ଡ- ଜର୍ମାନୀ ମଧ୍ୟରେ ହେବ ମୁକାବିଲା ।