ନୂଆଦିଲ୍ଲୀ: ପ୍ରଥମେ ଟମାଟୋ ଏବେ ପୁଣି ପିଆଜ। ରାଜଧାନୀ ଦିଲ୍ଲୀର ଖୁଜୁରା ବଜାରରେ ପିଆଜ ୫୦ରୁ ୬୦ଟଙ୍କା ପ୍ରତି କିଲୋଗ୍ରାମରେ ମିଳୁଛି। କିନ୍ତୁ, ସପ୍ତାହେ ପୂର୍ବରୁ ପିଆଜ ୩୦ରୁ ୪୦ ଟଙ୍କା କିଲୋଗ୍ରାମରେ ମିଳୁଥିଲା। ତେବେ ଗୋଟିଏ ସପ୍ତାହରେ ୫୦ ପ୍ରତିଶତ ପର୍ଯ୍ୟନ୍ତ ପିଆଜ ମହଙ୍ଗା ହୋଇସାରିଛି। ଡିସେମ୍ବରରେ ନୂଆ ଫସଲ ଆସିବା ପୂର୍ବରୁ ମହଙ୍ଗା ପିଆଜରୁ କୌଣସି ଆଶ୍ୱସ୍ତି ମିଳିବା ନେଇ ସମ୍ଭାବନା ନାହିଁ।
ସୂଚନା ଥାଉ କି, ସରକାର ଏହାର ବଫର ଷ୍ଟକରୁ ଏନ୍ସିସିଏପ୍ ଏବଂ ଏନ୍ଏଏଫ୍ଇଡି ମାଧ୍ୟମରେ ପିଆଜ ବିକ୍ରି କରିବାକୁ ଘୋଷଣା କରିଥିଲେ। ପ୍ରାଇସ ଷ୍ଟାବିଲାଇଜେଶନ ପାଣ୍ଠି ମାଧ୍ୟମରେ ସରକାର ପିଆଜର ଏକ ବଫର୍ ଷ୍ଟକ ମଧ୍ୟ ସୃଷ୍ଟି କରିଛନ୍ତି ଯାହା ଦ୍ୱାରା ସାଧାରଣ ଗ୍ରାହକଙ୍କୁ ପିଆଜ ମୂଲ୍ୟର ତୀବ୍ର ବୃଦ୍ଧିରୁ ଆରାମ ମିଳିପାରିବ। ପିଆଜ ରପ୍ତାନିକୁ ରୋକିବା ପାଇଁ ୪୦ ପ୍ରତିଶତ ରପ୍ତାନି ଶୁଳ୍କ ମଧ୍ୟ ଲାଗୁ କରାଯାଇଥିଲା। କିନ୍ତୁ ଏହା ସତ୍ତ୍ୱେ ଖୁଚୁରା ବଜାରରେ ପିଆଜ ଦର ବୃଦ୍ଧି ପାଉଛି।
