ଡିଜିଟାଲ ପେମେଣ୍ଟ ପ୍ଲାଟଫର୍ମ ହ୍ୱାଟସ୍ଆପ୍ ପେମେଣ୍ଟକୁ ଆଗକୁ ବଢାଇବା ପାଇଁ କ୍ୟାସବ୍ୟାକ୍ ଫିଚର ଉପରେ କାମ କରୁଛି ହ୍ୱାଟସ୍ଆପ୍ । WABetaInfo ରିପୋର୍ଟ ଅନୁଯାୟୀ ଏହି ନୂତନ ଫିଚରର ବର୍ତ୍ତମାନ ପରୀକ୍ଷା ଚାଲିଛି । ଏହି ଫିଚରରେ ଉପଭୋକ୍ତାମାନେ ଦେୟ ଦେବାର ୪୮ ଘଣ୍ଟା ମଧ୍ୟରେ ହ୍ୱାଟସ୍ଆପ୍ ଠାରୁ କ୍ୟାସବ୍ୟାକ୍ ପାଇବେ । ଆମେରିକାର ତତକ୍ଷଣାତ୍ ମେସେଞ୍ଜର ଏହାର ଡିଜିଟାଲ ପେମେଣ୍ଟ ପ୍ଲାଟଫର୍ମ ହ୍ୱାଟସ୍ଆପ୍ ପେମେଣ୍ଟର ବ୍ୟବହାରକୁ ପ୍ରୋତ୍ସାହିତ କରିବା ପାଇଁ ଏହା ଉପରେ କାର୍ଯ୍ୟ କରୁଛି । ତେବେ ଏହି ନୂତନ ଫିଚର ବିଷୟରେ କମ୍ପାନୀ ପକ୍ଷରୁ କୌଣସି ସୂଚନା ପ୍ରକାଶ କରାଯାଇ ନାହିଁ ।WABeta ଆହୁରୀ ମଧ୍ୟ କହିଛି ଯେ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ କି କେଉଁ ଗ୍ରାହକଙ୍କୁ ଏହି କ୍ୟାସବ୍ୟାକ୍ ସୁବିଧା ମିଳିବ, କିମ୍ବା ଯେଉଁ ଗ୍ରାହକ ହ୍ୱାଟସ୍ଆପ୍ ପେମେଣ୍ଟ ବ୍ୟବହାର କରି କେବେ ଦେୟ ଦେଇ ନାହାଁନ୍ତି ସେମାନଙ୍କୁ ସୁବିଧା ମିଳିବ । ଏହାର ସୂଚନା ଘୋଷଣା ପରେ ହିଁ ପ୍ରକାଶ ପାଇବ ।
![](https://ansodia.in/wp-content/uploads/2021/09/fsdtf.png)
ଏକ ରିପୋର୍ଟରେ ଆଗାମୀ ଫିଚରର ଏକ ସ୍କ୍ରିନସଟ୍ ମଧ୍ୟ ସେୟାର କରାଯାଇଛି । ସ୍କ୍ରିନସଟ୍ରେ ହ୍ୱାଟସ୍ଆପ୍ ଚାଟ୍ ଉପରେ ଏକ ଉପାହାର ଆଇକନ ସହିତ ଏକ ବର୍ତ୍ତା ଦେଖାଏ ଯେଉଁଥିରେ ‘ତୁମର ପରବର୍ତ୍ତୀ ପେମେଣ୍ଟର କ୍ୟାସବ୍ୟାକ୍ ପାଅ’ ଲେଖା ଅଛି । ଏହି ଫିଚରରେ ଭାରତର ଉପଭୋକ୍ତାମାନଙ୍କ ପାଇଁ ଅଟେ ଏବଂ ୧୦ ଟଙ୍କା କିମ୍ବା ତାଠାରୁ ଅଧିକ ଦେୟ କ୍ୟାସବ୍ୟାକ୍ କୁପନ ପାଇଁ ଯୋଗ୍ୟ ହୋଇପାରିବ ।