ନୂଆଦିଲ୍ଲୀ(1.1.23): ନୂଆବର୍ଷରେ ଅଘଟଣ। ବୃଦ୍ଧାଶ୍ରମରେ ନିଆଁ ଲାଗି ଜଳିଗଲେ ୨ ଜଣ। ଏଭଳି ଏକ ଅଘଟଣ ଘଟିଛି ଦିଲ୍ଲୀ ଗ୍ରେଟର କୈଲାଶ ପାର୍ଟ-୨ ଅଞ୍ଚଳରେ।ଆଜି ଭୋରୁ ଗ୍ରେଟର୍ କୈଲାଶ ଅଞ୍ଚଳରେ ଥିବା ଏକ ବୃଦ୍ଧାଶ୍ରମରେ ଅଗ୍ନିକାଣ୍ଡ ଘଟିଛି। ଏଥିରେ ଦୁଇ ଜଣ ବୃଦ୍ଧାଙ୍କ ମୃତ୍ୟୁ ହୋଇଛି। ସେପଟେ ଖବର ପାଇ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି। ଏଥିସହ ବୃଦ୍ଧାଶ୍ରମ ଭିତରୁ ୬ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି।ଏକ ନର୍ସିଂ ହୋମ୍‌ର ତୃତୀୟ ମହଲାରେ ଥିବା ବୃଦ୍ଧାଶ୍ରମରେ ନିଆଁ ଲାଗିଛି। ଏହି ବୃଦ୍ଧାଶ୍ରମର ନାଁ ଅନ୍ତରା କେୟାର ଫର୍ ସିନିଆର୍ ଥିଲା। ମୋଟ ୧୩ ଜଣଙ୍କୁ ଉଦ୍ଧାର କରି ମ୍ୟାକ୍ସ ହସ୍ପିଟାଲକୁ ସ୍ଥାନାନ୍ତର କରାଯାଇଛି।