ତେଜ ପତ୍ର ଆମ ରୋଷେଇ ଘରେ ବ୍ୟବହୃତ ହୋଇଥିବା ଏକ ସାଧାରଣ ଜିନିଷ। ବିଭିନ୍ନ ବ୍ୟଞ୍ଜନରେ ତେଜ ପତ୍ର ବ୍ୟବହାର କରିବା ଦ୍ୱାରା ଖାଦ୍ୟର ସ୍ୱାଦ ଏବଂ ବାସ୍ନା ବଢିଯାଇଥାଏ । ଯଦିଓ ଖୁବ୍ କମ୍ ଲୋକ ଜାଣନ୍ତି ଯେ ତେଜ ପତ୍ର ସ୍ୱାଦ ସହିତ ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଲାଭଦାୟକ ହୋଇଥାଏ । ଏହାର ବ୍ୟବହାର କେବଳ ଶରୀରର ରୋଗ ପ୍ରତିରୋଧକ ଶକ୍ତି ବଢାଏ ନାହିଁ, ବରଂ ଅନେକ ରୋଗ ମଧ୍ୟ ଦୂର କରିଥାଏ । ତେବେ ଆସନ୍ତୁ ଜାଣିବା ତେଜ ପତ୍ରର ଉପକାରିତା ବିଷୟରେ:
![](https://ansodia.in/wp-content/uploads/2022/02/jgh.png)
– କିଡନୀ ସମସ୍ୟାରେ ତେଜ ପତ୍ର ସେବନ ବହୁତ ଲାଭଦାୟକ ଅଟେ ।ଏହାର ବ୍ୟବହାର ହେତୁ କିଡନୀରେ ପଥର ସୃଷ୍ଟି ହୁଏ ନାହିଁ ଏବଂ ଏହାର କାର୍ଯ୍ୟକୁ ସୁରୁଖୁରୁରେ କରିଥାଏ ।ଏହି କାରଣରୁ ପରିସ୍ରା ସହିତ ଜଡିତ ସମସ୍ୟାଗୁଡ଼ିକ ଠିକ୍ ହୋଇଯାଇଥାଏ ।
– ଅନେକ ଲୋକଙ୍କୁ ଖାଦ୍ୟ ହଜମ କରିବାରେ ଅସୁବିଧାର ସମ୍ମୁଖୀନ ହେବାକୁ ପଡିଥାଏ । ସେମାନେ ଖାଦ୍ୟ ଖାଇବା ମାତ୍ରେ କୋଷ୍ଠକାଠିନ୍ୟ, ଅମ୍ଳତା ଭଳି ସମସ୍ୟା ଦେଖାଦେଇଥାଏ । ଏପରି ପରିସ୍ଥିତିରେ, ଯଦି ଆପଣ ତେଜ ପତ୍ରରେ ବ୍ୟବହାର ହୋଇଥିବା ଖାଦ୍ୟ ସେବନ କରନ୍ତି , ତେବେ ପେଟ ସମ୍ବନ୍ଧୀୟ ରୋଗରୁ ଆରାମ ପାଇପାରିବେ ।
![](https://ansodia.in/wp-content/uploads/2022/02/Simply-Recipes-Guide-Bay-Leaves-LEAD-2-a79e905aba68479aa0d021bb53d196d3-1024x576.jpg)
-ତେଜ ପତ୍ରରେ ଭିଟାମିନ୍ ସି ଏବଂ ଭିଟାମିନ୍-ଏ ଥାଏ ।ଯାହା ଆମ ଶରୀରର ବିକାଶ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥାଏ ।ଆମ ଶରୀରରେ ଧଳା ରକ୍ତ କଣିକା ବୃଦ୍ଧି ପାଇଁ ଭିଟାମିନ୍-ସି କାମ କରିଥାଏ । ଏହା ଶରୀରର ରୋଗ ପ୍ରତିରୋଧକ ଶକ୍ତି ବଢାଇଥାଏ । ସେହିପରି , ଭିଟାମିନ୍-ଏ ଆମ ଆଖିର ସାମର୍ଥ୍ୟକୁ ବଢାଇଥାଏ ।
– ମଧୁମେହ ରୋଗୀଙ୍କ ପାଇଁ ତେଜ ପତ୍ର ବହୁ ଲାଭଦାୟକ ହୋଇଥାଏ । ଏହା ମଧୁମେହ ରୋଗୀଙ୍କ ଇନସୁଲିନର ବୃଦ୍ଧି କିମ୍ବା ହ୍ରାସକୁ ନିୟନ୍ତ୍ରଣ କରିବା ପାଇଁ ସାହାଯ୍ୟ କରିଥାଏ । ଏଥିପାଇଁ ଆପଣ ଏହାକୁ ଚାଉଳ, ଡାଲିରେ ମିଶାଇ ବ୍ୟବହାର କରିପାରିବେ ।
– ଯଦି ଆପଣଙ୍କ ଅନିଦ୍ରା ସମସ୍ୟା ଅଛି ତେବେ ରାତିରେ ଶୋଇବା ପୂର୍ବରୁ ତେଜ ପତ୍ର ବ୍ୟବହାର କରି ଏଥିରୁ ମୁକ୍ତି ପାଇପାରିବେ ।ତେଜ ପତ୍ର ତେଲର କିଛି ବୁନ୍ଦା ଉଷୁମ ପାଣିରେ ମିଶାଇ ପିଇବା ଦ୍ୱାରା ଭଲ ନିଦ ହୋଇଥାଏ ।