ମନ୍ଦାର ଫୁଲ ସ୍ୱାସ୍ଥ୍ୟ ଜନିତ ସମସ୍ୟା ଠାରୁ ଆରମ୍ଭ କରି ତ୍ୱଚା ଏବଂ କେଶ ପାଇଁ ଅତ୍ୟନ୍ତ ଲାଭ ଦାୟକ ହୋଇଥାଏ । ମନ୍ଦାର ଫୁଲକୁ ବ୍ୟବହାର କରିବା ଦ୍ୱାରା ଅନେକ ରୋଗ ମଧ୍ୟ ଦୂର ହୋଇଥାଏ । ଏଥିରେ ଥିବା ଔଷଧୀୟ ଗୁଣ ଡାଇବେଟିଜ୍ ଏବଂ ଉଚ୍ଚ ରକ୍ତଚାପ ସମସ୍ୟା କମ କରିବାରେ ସହାୟକ ହୋଇଥାଏ । ଏସବୁ ବ୍ୟତୀତ ଶରୀରର ଅନେକ ସମସ୍ୟା ଦୂର କରିବାରେ ମଧ୍ୟ ମନ୍ଦାର ଫୁଲ ସାହାଯ୍ୟ କରିଥାଏ । ତେବେ ଆସନ୍ତୁ ଜାଣିବା କେଉଁ କେଉଁ ସମସ୍ୟାର ସମାଧାନ କରିଥାଏ ଏହି ଫୁଲ-
![](https://ansodia.in/wp-content/uploads/2021/12/hibiscus-benefits-for-hair-skin-social.jpg)
୧.କାଶ ଏବଂ ଥଣ୍ଡା: ମନ୍ଦାର ଫୁଲରେ ଭିଟାମିନ୍ ସି ପ୍ରଚୁର ପରିମାଣରେ ମିଳିଥାଏ । ଯାହା କାଶ ଏବଂ ଥଣ୍ଡା ସମସ୍ୟା ଦୂର କରିଥାଏ । ଏଥିପାଇଁ ଆପଣ ଏହି ଫୁଲରେ ପ୍ରସ୍ତୁତ ଚା’ ସେବନ କରନ୍ତୁ ।
୨. ରକ୍ତହୀନତା : ଏହି ଫୁଲ ଲୌହର ଏକ ଉତ୍ତମ ଉତ୍ସ । ଏହାର ସେବନ କରିବା ଦ୍ୱାରା ରକ୍ତହୀନତା ପରି ସମସ୍ୟା ଦୂର ହୋଇଥାଏ ।
୩.ଉଚ୍ଚ ରକ୍ତଚାପ: ଏହି ଫୁଲର ପତ୍ରରେ ପ୍ରସ୍ତୁତ ଚା’ ଶରୀରକୁ ଆରାମ ଦେବାରେ ସାହାଯ୍ୟ କରେ । ଏହାର ବ୍ୟବହାର ଉଚ୍ଚ ରକ୍ତଚାପ ରୋଗୀଙ୍କ ପାଇଁ ଲାଭଦାୟକ ଅଟେ ।
୪. ମଧୁମେହ: ମନ୍ଦାର ଫୁଲର ଚା’ ଚାପ ହ୍ରାସ କରିବାରେ ସାହାଯ୍ୟ କରେ । ଏହା ଶରୀରରେ ଉତ୍ପାଦିତ ଟ୍ରାଇଗ୍ଲିସରାଇଡସ୍କୁ ହ୍ରାସ କରିଥାଏ, ଯାହା ମଧୁମେହକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ ।
![](https://ansodia.in/wp-content/uploads/2021/12/shutterstock_153699647-850x525-1.jpg)
୫. ମାଉଥ୍ ଅଲସର୍( ପାଟି ଘା): ବେଳେ ବେଳେ ପାଟିରୁ ଚମଡା ଛାଲ ଭଳି ବାହାରିଥାଏ, ଯାହାକୁ ପାଟି ଘା କୁହାଯାଇଥାଏ । ଯଦି ଆପଣଙ୍କର ମଧ୍ୟ ଏଭଳି ସମସ୍ୟା ଦେଖାଯାଇଥାଏ ତେବେ ଏହି ସମୟରେ ୪-୫ଟି ମନ୍ଦାର ପତ୍ର ଚୋବାଇ ଖାଆନ୍ତୁ । ଏପରି କରିବା ଦ୍ୱାରା ପାଟି ଘା ଠିକ୍ ହେବା ସହ ପାଚନ କ୍ରିୟା ଠିକ୍ ହୋଇଥାଏ ।
୬. ଓଜନ ହ୍ରାସ: ମନ୍ଦାର ପତ୍ରରେ ଭରପୁର ମାତ୍ରାରେ ଆଣ୍ଟିଅକ୍ସିଡାଣ୍ଟ ରହିଥାଏ ଯାହା ଶରୀରର ମେଟାବଲିଜ୍ମ କୁ ବୃଦ୍ଧି କରିବାରେ ସାହଯ୍ୟ କରିଥାଏ । ଏହାଦ୍ୱାରା ଅତ୍ୟାଧିକ ଓଜନ ହ୍ରାସ ଘଟିବାରେ ସାହାଯ୍ୟ ମଳିଥିାଏ ।
୭. ତ୍ୱଚା: ମନ୍ଦାର ଫୁଲ ମଶ୍ଚରାଇଜର ଭଳି କାମ କରିଥାଏ । ଶୀତଦିନେ ତ୍ୱଚା ଶୁଷ୍କ ହେବା କାରଣରୁ ଆପଣ ମନ୍ଦାର ଫୁଲକୁ ତ୍ୱାଚାରେ ବ୍ୟବହାର କରିପାରିବେ, ଯାହାଫଳରେ ତ୍ୱଚା କୋମଳ ରହିଥାଏ ।
୮. କେଶ : ଏହିସବୁ ବ୍ୟତୀତ କେଶ ପାଇଁ ମନ୍ଦାର ଫୁଲ ପ୍ୟାକ୍ ଅତ୍ୟନ୍ତ ଖ ଲାଭକାରୀ ହୋଇଥାଏ । ଯଦି ଆପଣଙ୍କର କେଶ ଝଡିବା ସମସ୍ୟା ରହିଥାଏ ତେବେ ମନ୍ଦାର ଫୁଲ ଏବଂ ପତ୍ରକୁ ନଡିଆ ତେଲରେ ଫୁଟାଇ ଲଗାନ୍ତୁ । ଏପରି କରିବା ଦ୍ୱାରା କେଶ ଝଡିବା ସମସ୍ୟାକମ୍ ହେବା ସହ କେଶ ମଜବୁତ ହୋଇଥାଏ ।