ମାଂସପେଶୀ ଗଢିବା ଏବଂ ଶରୀରକୁ ଫିଟ୍ ରଖିବା ପାଇଁ ପ୍ରୋଟିନ୍ ହେଉଛି ଅନ୍ୟତମ ଆବଶ୍ୟକୀୟ ଉତ୍ସ ଅଟେ । ଜିମ୍ ଯାଉଥିବା ଲୋକ ମାନେ ବିଭିନ୍ନ ଖାଦ୍ୟ ଖାଇ ପ୍ରୋଟିନର ଆବଶ୍ୟକତା ପୂରଣ କରନ୍ତି । ଅଣ୍ଡାକୁ ପ୍ରୋଟିନ୍ ପାଇଁ ସବୁଠାରୁ ଉପଯୁକ୍ତ ଖାଦ୍ୟ ଭାବରେ ବିବେଚନା କରାଯାଏ, ଯଦିଓ ଶାକାହାରୀମାନଙ୍କ ପାଇଁ ଏହି ବିକଳ୍ପଗୁଡ଼ିକର ଅଭାବ ସର୍ବଦା ରହିଥାଏ। ଯଦି ଆପଣ ମଧ୍ୟ ଶାକାହାରୀ ଏବଂ ପ୍ରୋଟିନ୍ ବିଷୟରେ ଚିନ୍ତିତ, ତେବେ ଆସନ୍ତୁ ଜାଣିବା ଏପରି କିଛି ପ୍ରୋଟିନ୍ ଯୁକ୍ତ ଖାଦ୍ୟ ବିଷୟରେ ଯାହା ଶାକାହାରୀଙ୍କ ପାଇଁ ଲାଭଦାୟକ ଅଟେ ।
- ଧଳା ଚଣା: ଧଳା ଚଣା ଭାରତର ସବୁଠାରୁ ଲୋକପ୍ରିୟ ଖାଦ୍ୟ ଅଟେ।ଧଳା ଚଣାକୁ ପ୍ରୋଟିନର ଏକ ଉତ୍ତମ ଉତ୍ସ ଭାବରେ ବିବେଚନା କରାଯାଏ ।ପ୍ରାୟ ୧୦୦ ଗ୍ରାମ ଧଳା ଚଣା ଖାଇବା ଦ୍ୱାରା ୧୯ ଗ୍ରାମ ପ୍ରୋଟିନ୍ ମିଳିପାରିବ । ଏହାକୁ ଖାଇବା ଶାକାହାରୀମାନଙ୍କ ପାଇଁ ବିଶେଷ ଲାଭଦାୟକ ଅଟେ ।
- ଗ୍ରୀକ୍ ଦହି: ଦହି ତୁଳନାରେ ଗ୍ରୀକ୍ ଦହିରେ ପ୍ରୋଟିନ୍ ପରିମାଣ ଅଧିକ । ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଗୋଟିଏ ସେବନରୁ ୨୩ ଗ୍ରାମ ପ୍ରୋଟିନ୍ ମିଳିପାରିବ । ଗ୍ରୀକ୍ ଦହିରେ ପ୍ରୋଟିନ୍ ସହିତ ପ୍ରୋବାୟୋଟିକ ମଧ୍ୟ ଭରପୂର ଅଟେ, ଯାହା ପେଟ ପାଇଁ ମଧ୍ୟ ଉପକାରୀ ବୋଲି ବିବେଚନା କରାଯାଏ । ପ୍ରୋବାୟୋଟିକ ଅନ୍ତଃସ୍ଥଳୀରେ ସୁସ୍ଥ ଜୀବାଣୁ ବୃଦ୍ଧି କରିବାରେ ସହାୟକ ହୋଇଥାଏ ।
- ସୋୟାବିନ୍: ଶାକାହାରୀମାନଙ୍କ ପାଇଁ ସୋୟାବିନ୍ ପ୍ରୋଟିନର ଏକ ଉତ୍କୃଷ୍ଟ ଉତ୍ସ ଅଟେ। ଗୋଟିଏ କପ ସୋୟାବିନରୁ ୨୯ ଗ୍ରାମ ପ୍ରୋଟିନ ମିଳିପାରିବ ।ଶାକାହାରୀ ଲୋକମାନେ ଏହି ଖାଦ୍ୟ ମାଧ୍ୟମରେ ପ୍ରୋଟିନର ଦୈନଦିନ ଆବଶ୍ୟକତାକୁ ସହଜରେ ପୂରଣ କରିପାରିବେ ।
