ଦୁନିଆରେ ଏମିତି କିଛି ଲୋକ ଅଛନ୍ତି ଯେଉଁମାନେକି ନିଜର ଅଜବ ସଉକ ପାଇଁ ସବୁବେଳେ ଚର୍ଚ୍ଚାରେ ରହିଥାଆନ୍ତି । ନିଜ ଇଚ୍ଛା ଅନୁସାରେ ସବୁକିଛି କରିବାକୁ ଭଲପାଆନ୍ତି । ହେଲେ କେବେ ଶୁଣିଛନ୍ତିକି ମଣିଷ ଚାହୁଁଛି କୁକୁର ହେବା ପାଇଁ । ଏହାଶୁଣିଲା ପରେ ହୁଏତ ଆପଣ ଏକଥାକୁ ହସରେ ଉଡାଇ ଦେଇ ପାରନ୍ତି । କିନ୍ତୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ କଥାଟା ସତ । ଜଣେ ବ୍ୟକ୍ତି ନିଜକୁ କୁକୁରରେ ପରିଣତ କରିବା ପାଇଁ ଖର୍ଚ୍ଚ କରିଛନ୍ତି ୧୧ ଲକ୍ଷ ଟଙ୍କା । ଏହି ଅସାଧାରଣ ବ୍ୟକ୍ତି ଜଣଙ୍କ ହେଉଛନ୍ତି ଜାପାନର । ତେବେ ସେ କୁକୁର ଜୀବନ ବଞ୍ଚିବା ପାଇଁ ଏଭଳି ଇଚ୍ଛା କରିଥିଲେ । ସେଥିପାଇଁ ସେ ୧୧ଲକ୍ଷ ଟଙ୍କା ଖର୍ଚ୍ଚ କରି କୁକୁରରେ ବଦଳିଛନ୍ତି । ତୋକୋ ନାମକ ଏହି ବ୍ୟକ୍ତିଙ୍କର ଏଭଳି ଇଚ୍ଛା ସଂପର୍କରେ ଶୁଣିଲେ ଯେ କେହିବି ଆଶ୍ଚର୍ଯ୍ୟ ହେବ । ତାଙ୍କ କହିବା ଅନୁସାରେ ପିଲାଦିନରୁ ସେ ପଶୁମାନଙ୍କୁ ବହୁତ ଭଲପାଆନ୍ତି । ବିଶେଷକରି କୁକୁର ମାନଙ୍କ ପ୍ରତି ତାଙ୍କର ବହୁତ ଦୁର୍ବଳତା ଅଛି । ତେଣୁ ସେ ନିଜର ରୂପ ବଦଳାଇବା ପାଇଁ ଏକ ସ୍ୱତନ୍ତ୍ର ୱାର୍କସପ୍କୁ ଯାଇ ନିଜ ପାଇଁ ଏକ ବାସ୍ତବିକ କୁକୁର ପୋଷାକ ତିଆରି କରିବାକୁ ବରାଦ କରିଥିଲେ । ଏହାକୁ ପିନ୍ଧିବା ପରେ କୌଣସି ମଣିଷ ଚିହ୍ନିପାରିବେ ନାହିଁ ଯେ ସେ ପ୍ରକୃତରେ ମଣିଷ ନା କୁକୁର । କାରଣ ସେ ପ୍ରକୃତରେ ଏକ କୁକୁର ଭଳି ଦେଖାଯାଉଛନ୍ତି । ଏହାକୁ ପିନ୍ଧି ସେ କୁକୁରର ରୂପକୁ ଉପଭୋଗ କରୁଛନ୍ତି । ଏହି ପୋଷାକ ତିଆରି କରିବା ପାଇଁ ସେ ୨ ମିଳିୟନ ୟେନ ଯାହା ଭାରତୀୟ ମୁଦ୍ରାରେ ୧୧ଲକ୍ଷ ୬୩ ହଜାର ଟଙ୍କା ଖର୍ଚ୍ଚ କରିବାକୁ ପଡିଥିଲା । ବହୁ ପରିଶ୍ରମ କଲାପରେ ୪୦ ଦିନପରେ କମ୍ପାନୀ ଏହି ପୋଷାକକୁ ପ୍ରସ୍ତୁତ କରିଥିଲା ।
![You are currently viewing ୧୧ ଲକ୍ଷ ଖର୍ଚ୍ଚ କରି ମଣିଷରୁ ହେଲେ କୁକୁର](https://ansodia.in/wp-content/uploads/2022/05/WhatsApp-Image-2022-05-26-at-9.50.08-PM.jpeg)