କଟକ(ଏଏନଏସ) ୨୦.୧୦.୨୦୨୧, କାଠଯୋଡ଼ି ପୋଲ ଉପରୁ ନଦୀକୁ ଡେଇଁ ଯୁବକଙ୍କ ମୃତ୍ୟୁ ହୋଇଛି । ଆଜି ସକାଳ ସମୟରେ ଯୁବକ ଜଣଙ୍କ ବ୍ରିଜ୍ ଉପରେ ସ୍କୁଟି ରଖି ନଦୀକୁ ଡେଇପଡିଥିଲେ । ଓଡ୍ରାଫ ଟିମ୍ର ପକ୍ଷରୁ ଖୋଜାଖୋଜି ପରେ ମୃତଦେହ ଠାବ ହୋଇଛି ।
ସୂଚନା ଅନୁସାରେ, ଆଜି କଟକ-ଭୁବନେଶ୍ୱର ରାସ୍ତା କାଠଯୋଡି ବ୍ରିଜରୁ ଯୁବକ ଡେଇଁପଡିଥିଲେ । ନଦୀକୁ ଡେଇଁଥିବାର ସ୍ଥାନୀୟ ଲୋକେ ଦେଖି ଓଡ୍ରାଫ୍ ଟିମକୁ ଖବର ଦେଇଥିଲେ । ପରେ ସେମାନେ ସେଠାରେ ଖୋଜାଖୋଜି ଆରମ୍ଭ କରିଥିଲେ ।ତେବେ ଆତ୍ମହତ୍ୟା ର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନି । ଯୁବକଙ୍କ ଘର ଭୁବନେଶ୍ବର ଖାରବେଳନଗର । ସେ ଡେଲିବରି ବୟ ଭାବେ କାମ କରୁଥିବା ସୂଚନା ।
