ଭୁବନେଶ୍ୱର,୦୩/୦୯:ସେପ୍ଟେମ୍ବର ମାସ ଆରମ୍ଭରୁ ପୁଣି ଆସୁଛି ଲଘୁଚାପ । ଆସନ୍ତା ୬ ତାରିଖରେ ଉତ୍ତର-ବଙ୍ଗୋପସାଗରରେ ସୃଷ୍ଟି ହେବ ଆଉ ଏକ ଲଘୁଚାପ । ଏହାର ପ୍ରଭାବରେ ରାଜ୍ୟରେ ବର୍ଷା ପରିମାଣ ବଢିବ । ଏନେଇ ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ପୂର୍ବାନୁମାନ କରାଯାଇଛି । ଆସନ୍ତା ୫ ଦିନ ପର୍ଯ୍ୟନ୍ତ ରାଜ୍ୟରେ ବିଭିନ୍ନ ସ୍ଥାନରେ ବର୍ଷା ହେବାର ସମ୍ଭାବନା ରହିଛି । ନବରଙ୍ଗପୁର,କୋରାପୁଟ,ମାଲକାନଗିରି ଓ ରାୟଗଡାରେ ପ୍ରବଳ ବର୍ଷା ସମ୍ଭାବନା ରହିଛି । ଏହି ଜିଲ୍ଲା ଗୁଡିକୁ ୟେଲୋ ଆଲର୍ଟ ଜାରି କରିଛି ପାଣିପାଗ ବିଭାଗ । ତେବେ ରାଜ୍ୟରେ ନିଅଣ୍ଟିଆ ବର୍ଷା ଯୋଗୁୂଁ ଚାଷୀମାନେ ଚିନ୍ତାରେ ଥିବା ବେଳେ ଲଘୁଚାପ ଆସିବା ଫଳରେ ଏହି ସମସ୍ୟା ଦୂରେଇ ଯିବାର ସମ୍ଭାବନା ରହିଛି ।