ଏଏନଏସ : ପୁଣିଥରେ ଓଡିଶା ଗସ୍ତରେ ଆସୁଛନ୍ତି ପ୍ରଧାନମନ୍ତ୍ରୀ ମୋଦି ଓ ଗୃହ ମନ୍ତ୍ରୀ ଅମିତ ଶାହା । ୨୯ରେ ରାଜ୍ୟରେ ୩ଟି ନିର୍ବାଚନୀ ସଭାରେ ପ୍ରଚାର କରିବେ ଶାହା । ପ୍ରଥମେ ୧୦ଟାରେ ଚାନ୍ଦବାଲି ପରେ କୋରେଇ ତାପରେ ନିମାପଡା ନିର୍ବାଚନୀ ସଭାରେ ଯୋଗ ଦେବେ ଶାହା ।
ସେହିପରି ୨୯ରେ ଦିନିକିଆ ଓଡିଶା ଗସ୍ତରେ ଆସୁଛନ୍ତି ପ୍ରଧାନମନ୍ତ୍ରୀ । ମୟୁରଭଞ୍ଜର ବାରିପଦା ଛଉ ପଡିଆରେ ୧୨ଟା ବେଳେ ବିଶାଳ ଜନସଭାକୁ ଉଦବୋଧନ କରିବେ ପ୍ରଧାନମନ୍ତ୍ରୀ । ପରେ ବାଲେଶ୍ୱର ଓ କେନ୍ଦ୍ରାପଡା ଜନସଭାରେ ଯୋଗ ଦେବେ ପ୍ରଧାନମନ୍ତ୍ରୀ ।
ଏହାସହ ୨୭ରେ ଓଡିଶା ଆସୁଛନ୍ତି ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା । ୨୭ରେ ଭଦ୍ରକ, ଯାଜପୁର , କେନ୍ଦ୍ରାପଡା ଓ କାକଟପୁର ରେ ପ୍ରଚାର କରିବା ସହ ୨୮ରେ ରାଇରଙ୍ଗପୁର, ମୋରଡା , ସୋର , ଜଗତସିଂହପୁରର ସଭାରେ ଯୋଗ ଦେବେ । ଏବଂ କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ୨୭ ଓ ୨୮ ଦୁଇ ଦିନ ଧରି କେନ୍ଦ୍ରାପଡା ଓ ଭଦ୍ରକରେ ପ୍ରଚାର କରିବାର କାର୍ଯ୍ୟକ୍ରମ ରହିଛି ।