କେନ୍ଦୁଝର-୦୯.୧୦.୨୦୨୧, କେନ୍ଦୁଝର ଶୁଆକାଟୀ ଫାଣ୍ଡିର ଜାମୁଡିହା ଗାଁ ପୋଖରୀରେ ଭାରସାମ୍ୟ ହରାଇ ପଶିଲା କାର୍ । ପୋଖରୀରୁ କାର ସହିତ ଏକ ମୃତଦେହ ଉଦ୍ଧାର କଲା ଅଗ୍ନିଶମ ବିଭାଗ । ପୋଖରୀରେ ଆଉ ଏକ ମୃତଦେହ ଥିବା ସନ୍ଦେହ କରାଯାଉଛି ।
ସୂଚନାଅନୁସାରେ, କେନ୍ଦୁଝର ଶୁଆକାଟୀ ଫାଣ୍ଡିର ଜାମୁଡିହା ଗାଁ ପୋଖରିରେ ଏକ କାର୍ ଭାସୁଥିବା ଆଜି ସକାଳ ସମୟରେ ଗାଁ ଲୋକେ ଦେଖି ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ପୋଖରୀ ଭିତରୁ କାରଟିକୁ ଉଦ୍ଧାର କରିବା ସହ ପୋଖରୀରୁ ଏକ ମୃତଦେହ ମଧ୍ୟ ଉଦ୍ଧାର କରିଛି । କାର୍ ଭିତରୁ ତିନୋଟି ଚପଲ ମିଳିଥିବାରୁ ପୋଖରୀରେ ଆଉ କେହି ରହିଯାଇଥିବା ସନ୍ଦେହରେ ଖୋଜାଖୋଜି ଜାରି ରଖିଛି ।