ଜୀବନ ପାଇଁ ଖାଦ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ । ପ୍ରତ୍ୟେକ ବ୍ୟକ୍ତି ଦିନକୁ ଅତି କମରେ ୨ ରୁ ୩ ଥର ଖାଆନ୍ତି । କିନ୍ତୁ ଏହି ସମୟରେ ଆମେ ଏପରି କିଛି ଛୋଟ ଛୋଟ ଭୁଲ କରିଥାଉ ଯାହା ସେହି ସମାନ ଖାଦ୍ୟ ରୋଗର କାରଣ ହୋଇଯାଏ । ପୁଷ୍ଟିକର ଏବଂ ସନ୍ତୁଳିତ ଖାଦ୍ୟ ନ ଖାଇବା ଏହା ପଛରେ ଏକ ବଡ଼ କାରଣ ଅଟେ । କିନ୍ତୁ ଏହା ବ୍ୟତୀତ କିଛି ତ୍ରୁଟି ମଧ୍ୟ ଅଛି, ଯାହାକୁ ବାସ୍ତୁ ଶାସ୍ତ୍ରରେ ମୃତ୍ୟୁର କାରଣ ବୋଲି ବର୍ଣ୍ଣନା କରାଯାଇଛି । ତେବେ ଆସନ୍ତୁ ଜାଣିବା ଏହି ସବୁ ତ୍ରୁଟି ବିଷୟରେ-
– ବାସ୍ତୁ ଶାସ୍ତ୍ର ଅନୁଯାୟୀ, ସର୍ବଦା ପୂର୍ବ କିମ୍ବା ଉତ୍ତର-ପୂର୍ବ ଆଡକୁ ମୁଖ କରି ଖାଦ୍ୟ ଖାଇବା ଉଚିତ୍ । ଏପରି କରିବା ଦ୍ୱାରା ବ୍ୟକ୍ତିର ବୟସ ବଢୀବା ସହ ହଜମ ଶକ୍ତି ଭଲ ହୋଇଥାଏ ଏବଂ ସ୍ୱାସ୍ଥ୍ୟ ଭଲ ରହିଥାଏ ।
– ଅନ୍ୟ ପଟେ, ଦକ୍ଷିଣ ଦିଗକୁ ମୁଖ କରି ଖାଦ୍ୟ ଖାଇବା ମାନେ ନିଜ ଜୀବନକୁ ବିପଦ ଆଡକୁ ଠେଲି ଦେବା । କାରଣ ଦକ୍ଷିଣ ଦିଗ ଯମରାଜଙ୍କ ଦିଗ ହୋଇଥାଏ, ତେଣୁ ଏହି ଦିଗକୁ ମୁଖ କରି ଖାଦ୍ୟ ଖାଇବା ଦ୍ୱାରା ଅନେକ ସମସ୍ୟା ସୃଷ୍ଟି ହୋଇଥାଏ ।
– ଯେଉଁମାନେ କ୍ୟାରିଅର୍ ଆରମ୍ଭ କରୁଛନ୍ତି ଏବଂ ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେଉଛନ୍ତି । ସେହି ଛାତ୍ରମାନେ ଉତ୍ତର ଦିଗକୁ ମୁଖ କରି ଖାଦ୍ୟ ଖାଇବା ଉଚିତ୍ । ଏହି ଦିଗରେ ମୁଖ କରି ଖାଇବା ଦ୍ୱାରା ଜ୍ଞାନ ବଢିଥାଏ ।
– ବାସ୍ତୁ ଶାସ୍ତ୍ରୀ ଅନୁଯାୟୀ, ଘରର ପଶ୍ଚିମ ଦିଗ ଡାଇନିଂ ହଲ୍ ପାଇଁ ସର୍ବୋତ୍ତମ ବୋଲି ବିବେଚନା କରାଯାଏ । ଯଦି ଏହା ସମ୍ଭବ ନୁହେଁ, ତେବେ ଡାଇନିଂ ଟେବୁଲକୁ ଉତ୍ତର ପୂର୍ବ କିମ୍ବା ପୂର୍ବ ଦିଗରେ ମଧ୍ୟ ରଖାଯାଇପାରିବ ।
