ସନାତନ ଧର୍ମରେ ବାସ୍ତୁ ଶାସ୍ତ୍ରର ନିୟମ ପାଳନ କରାଯାଇଥାଏ। କାରଣ ଏହା ଆମ ଜୀବନରେ ଅନେକ ପ୍ରଭାବ ପକାଇଥାଏ । ଯେପରି ବହୁତ ପରିଶ୍ରମ କରିବା ପରେ ଯଦି ଆମେ କୌଣସି କାମରେ ସଫଳତା ପାଉନାହାଁନ୍ତି, ତେବେ ଘରେ କିଛି ନା କିଛି ବାସ୍ତୁ ଦୋଷ ଥାଏ ବୋଲି କୁହାଯାଇଥାଏ । ତେଣୁ ଆମେମାନେ ବାସ୍ତୁ ନିୟମ ସମ୍ପର୍କରେ ଜାଣିବା ନିହାତି ଜରୁରୀ | ତେବେ ଆସନ୍ତୁ ଜାଣିବା କଣ ସେହି ନିୟମ…
ଘରେ ଯଦି କଷ୍ଟ, ଆର୍ଥିକ ଅସୁବିଧା, ଶାରିରୀକ ପିଡା ଓ ରୋଗ ଆଦି ଲଗାତାର ଲାଗି ରହୁଥାଏ ତେବେ ଘରେ ବାସ୍ତୁ ଅନୁସାରେ କିଛି ଗଛ ଲଗାନ୍ତୁ ଯାହାଦ୍ୱାରା ଆପଣଙ୍କ ଅସୁବିଧା ଦୂର ହେବ । ଏନେଇ ଆଜି ଆମେ ଆପଣଙ୍କୁ ବାସ୍ତୁ ନିୟମ ଅନୁଯାୟୀ ଏପରି ଏକ ଗଛ ଘରେ ଲଗାଇବାକୁ କହିବୁ, ଯାହାକୁ ଘରେ ଲଗାଇବା ଦ୍ୱାରା ସକରାତ୍ମକ ପ୍ରଭାବ ପଡିବା ସହ ଅର୍ଥ ଓ ମାନ ସମ୍ମାନ ବୃଦ୍ଧି ହେବ ।
ଆପଣ ଘରେ ରଜନୀଗନ୍ଧା ଗଛ ଲଗାନ୍ତୁ। ଏହି ଗଛ କେବଳ ଘରର ଶୋଭା ବଢ଼ାଇ ନଥାଏ ବରଂ ଘରକୁ ଧନ ଧାନ୍ୟରେ ଭରିଦେଇଥାଏ । ତେବେ ଏହାକୁ ଘରେ ଲଗାଇବା ସମୟରେ ଠିକ ଦିଗରେ ଲଗାଇବା ଉପରେ ଧ୍ୟାନ ରଖନ୍ତୁ।
ଏହି ଦିଗରେ ଲଗାନ୍ତୁ ରଜନୀଗନ୍ଧା ଗଛ :
ବାସ୍ତୁ ଶାସ୍ତ୍ର ଅନୁସାରେ, ରଜନୀଗନ୍ଧା ଗଛ ପୂର୍ବ କିମ୍ବା ଉତ୍ତର ଦିଗରେ ଲଗାଇବା ଉଚିତ୍ । ଏହି ଗଛ ଲଗାଇବା ଦ୍ୱାରା ଘରର ସୁଖ ସମୃଦ୍ଧି ବୃଦ୍ଧି ପାଇଥାଏ । ଏହା ପ୍ରଭାବରେ ଘରେ ସଂଚୟ ମଧ୍ୟ ବୃଦ୍ଧି ପାଇଥାଏ । ଅର୍ଥାତ ଧନର ଆଗମନ ମଧ୍ୟ ହୋଇଥାଏ ।
ରଜନୀଗନ୍ଧା ଗଛ ଘରର ପୂର୍ବ ବା ଉତ୍ତର ଦିଗରେ ଲଗାଇବା ଦ୍ୱାରା ଘରର ସଦସ୍ୟଙ୍କ ଉନ୍ନତି ହୋଇଥାଏ । ତାଙ୍କର ସବୁ କାମ ଫଳଦାୟୀ ହୋଇଥାଏ । ଏଥିସହ ବୈବାହିକ ଜୀବନରେ ମଧୂରତା ଆସିଥାଏ । ଏସବୁବ୍ୟତୀତ ରଜନୀଗନ୍ଧା ଫୁଲର ସୁଗନ୍ଧରେ ପୁରା ଘର ପରିବେଶ ମଧ୍ୟ ପଜିଟିଭ ହୋଇଯାଇଥାଏ ।