ଭାରତୀୟ ସଂସ୍କୃତିରେ ବିବାହର ଅର୍ଥ ଦୁଇଟି ଆତ୍ମାର ମିଳନ । ଏଥିପାଇଁ ଏକ ଲୋକକଥା ମଧ୍ୟ ଅଛି କି ଯୋଡି ଉପରୁ ତିଆରି ହୋଇଥାଏ । କିନ୍ତୁ କିଛି ଲୋକଙ୍କ କ୍ଷେତ୍ରରେ ଅନେକ ପ୍ରୟାସ ପରେ ମଧ୍ୟ ବିବାହ ହୋଇନପାରୁଥିବାର ଦେଖାଯାଏ । ଜ୍ୟୋତିଷ ଶାସ୍ତ୍ର ଅନୁସାରେ ଗ୍ରହ ନକ୍ଷତ୍ରଙ୍କର ସ୍ଥିତି ସଠିକ ନଥିବା ହେତୁ ବିବାହରେ ଏଭଳି ପ୍ରତିବନ୍ଧକ ଦେଖାଯାଏ । ବିବାହରେ ପ୍ରତିବନ୍ଧକ ନ ଆସିବା ପାଇଁ ଜ୍ୟୋତିଷ ଶାସ୍ତ୍ର ଅନୁସାରେ ‘ସ୍ୱୟଂବର ପାର୍ବତୀ ମନ୍ତ୍ର’ ଜପ କରିବା ନିହାତି ଆବଶ୍ୟକ । କୁହାଯାଏକି ଏହି ମନ୍ତ୍ରକୁ ମାତା ପାର୍ବତୀ ଋଷି ଦୁର୍ବାସାଙ୍କ ଠାରୁ ପ୍ରାପ୍ତ କରିଥିଲେ ।

ଏହି ମନ୍ତ୍ର ଜପ କରି ମାତା ପାର୍ବତୀ ଭଗବାନ ଶଙ୍କରଙ୍କୁ ପ୍ରାପ୍ତ କରିଥିଲେ । ଏହି ମନ୍ତ୍ର ସ୍ୱୟଂବର ପାର୍ବତୀ ସ୍ତୋତ୍ରର ପ୍ରତ୍ୟେକ ଶ୍ଲୋକର ପ୍ରଥମ ଅକ୍ଷରକୁ ଯୋଡିକରି ତିଆରି ହୋଇଛି । ଏହା ବହୁତ ପ୍ରଭାବଶାଳୀ ଅଟେ । ଯାହାର ଜପ ଦ୍ୱାରା ବିବାହରେ ଆସୁଥିବା ସମସ୍ତ ବାଧା ଦୂର ହୋଇଥାଏ । ଯଦି କୌଣସି କନ୍ୟା ଏବଂ ପୁରୁଷଙ୍କ ବିବାହରେ ସମସ୍ୟା ଆସୁଛି ତେବେ ଏହି ମନ୍ତ୍ର ଜପ କରିବା ଦ୍ୱାରା ଏହି ସମସ୍ୟାରୁ ମୁକ୍ତି ମିଳିବା ସହ ବିବାହ ସହଜରେ ହୋଇପାରେ । ଯଦି ଆପଣ ପ୍ରେମ ବିବାହ କରିବାକୁ ଚାହୁଁଛନ୍ତି ତେବେ ଏହି ମନ୍ତ୍ର ଜପ କରିବା ଦ୍ୱାରା ଆପଣଙ୍କୁ ଆପଣଙ୍କ ମନ ପସନ୍ଦର ଜୀବନସାଥୀ ମିଳିବେ । ଏହାଛଡା ଯଦି ଆପଣଙ୍କ ବୈବାହିକ ଜୀବନରେ ଆଶାନ୍ତି ଦେଖାଯାଉଛି ତେବେ ଏହି ମନ୍ତ୍ର ଜପ କରିବା ଦ୍ୱାରା ତାହା ଦୂର ହୋଇଥାଏ । ଶ୍ରଦ୍ଧା ପୂର୍ବକ ଏହି ମନ୍ତ୍ର ଜପ କରିବା ଦ୍ୱାରା ଦାମ୍ପତ୍ୟ ଜୀବନ ମଧ୍ୟ ସୁଖ ପ୍ରଦ ହୋଇଥାଏ ।