ନିକଟରେ ସୁଶାନ୍ତ ସିଂ ରାଜପୁତଙ୍କ କିଛି ପ୍ରଶଂସକ ପିଟିସନ୍ ଦାଖଲ କରି ସୁଶାନ୍ତଙ୍କ ମହମ ପ୍ରତିମୂର୍ତ୍ତି ପାଇଁ ଦାବି କରିଥିଲେ । କିନ୍ତୁ ଏବେ ସୁଶାନ୍ତଙ୍କ ଫ୍ୟାନ୍ସଙ୍କ ଇଛା ପୂରଣ ହୋଇଛି ବୋଲି କୁହାଯାଇପାରେ । ଆସାନସୋଲର ଜଣେ ବ୍ୟକ୍ତି କଳାକାର ସୁଶାନ୍ତ ସିଂ ରାଜପୁତଙ୍କର ମହମ ପ୍ରତିମୂର୍ତ୍ତି ସୃଷ୍ଟି କରି ଲୋକଙ୍କ ପ୍ରଶଂସା ଏବଂ ଆଶୀର୍ବାଦର ପାତ୍ର ହୋଇଛନ୍ତି । ପଶ୍ଚିମବଙ୍ଗର ଏହି କଳାକାର ସୁକାନ୍ତୋ ରାୟ ପ୍ରଶଂସକଙ୍କ ଇଛା ପୂରଣ କରିଛନ୍ତି ।
ସୁକାନ୍ତୋଙ୍କ ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସେ ଏକ ଇଣ୍ଟରଭିଉରେ କହିଛନ୍ତି ଯେ, ସେ ସୁଶାନ୍ତଙ୍କର ଫ୍ୟାନ ଥିଲେ। ଏହା ଦୁଃଖର ବିଷୟ ଯେ ସେ ଆଉ ଏହି ଦୁନିଆରେ ନାହାନ୍ତି । କିନ୍ତୁ ସୁଶାନ୍ତଙ୍କ ସ୍ମୃତିରେ ଏହି ପ୍ରତିମୂର୍ତ୍ତି ଟି କଳାକାରଙ୍କ ସଂଗ୍ରହାଳୟରେ ରହିବ । ଯଦି ସୁଶାନ୍ତଙ୍କ ପରିବାର ଏକ ପ୍ରତିମୂର୍ତ୍ତି ଚାହାନ୍ତି ତେବେ ସୁକାନ୍ତୋ ତାଙ୍କ ପାଇଁ ମଧ୍ୟ ଏକ ପ୍ରତିମୂର୍ତ୍ତି ତିଆରି କରିବେ ବୋଲି କହିଛନ୍ତି ।
