ନୂଆଦିଲ୍ଲୀ ୨୯/୧୧: ଭେଟେରାନ୍ ଆମେରିକାର ଫ୍ୟାଶନ୍ ଡିଜାଇନର୍ ଭରଜିଲ  ଅବଲୋହ କର୍କଟ ରୋଗ ସହିତ ଦୀର୍ଘ ଦିନର ଯୁଦ୍ଧ ପରେ ଦେହାନ୍ତ କରିଛନ୍ତି । ମୃତ୍ୟୁ ବେଳକୁ  ତାଙ୍କୁ ୪୧ ବର୍ଷ ହୋଇଥିଲା । ଏହି ଖବର ସହିତ ଫ୍ୟାଶନ ଦୁନିଆରେ ଏବଂ ବଲିଉଡ ଦୁନିଆରେ ମଧ୍ୟ ଶୋକର ଲହରୀ ଖେଳିଯାଇଛି ।ଭରଜିଲଙ୍କ ମୃତ୍ୟୁ ପରେ ହଲିଉଡ ତଥା ବଲିଉଡ ସେଲିବ୍ରିଟିମାନେ ମଧ୍ୟ ଗଭୀର ଦୁଃଖ ପ୍ରକାଶ କରିଛନ୍ତି।

ବଲିଉଡର ନିର୍ମାତା-ନିର୍ଦ୍ଦେଶକ କରଣ ଜୋହର ଇନଷ୍ଟାଗ୍ରାମରେ ଦୁଃଖ  ପ୍ରକାଶ କରିଛନ୍ତି ଏବଂ ଲେଖିଛନ୍ତି ଯେ ଏତେ କମ ବୟସରେ ଏହି ଫ୍ୟାଶନ ଡିଜାଇନରଙ୍କ ମୃତ୍ୟୁ ମୋତେ ଚକିତ କରିଛି। ଏହା ହୃଦୟ ଭାଙ୍ଗିବା ଖବର । ଭରଜିଲ  ଜଣେ ଦକ୍ଷ ଫ୍ୟାଶନ୍ ଡିଜାଇନର୍ ।ସେ ନିଶ୍ଚିତ ଭାବରେ ସ୍ମରଣୀୟ ହେବେ ।ଏଥି ସହିତ, ବଲିଉଡ-ହଲିଉଡ ଅଭିନେତ୍ରୀ ପ୍ରିୟଙ୍କା ଚୋପ୍ରା ତାଙ୍କ ଇନଷ୍ଟାଗ୍ରାମ କାହାଣୀରେ ଭରଜିଲଙ୍କ ଫଟୋ ସେୟାର କରିଛନ୍ତି ଏବଂ ଲେଖିଛନ୍ତି ଯେ ଖୁବ୍ ଶୀଘ୍ର ଚାଲିଗଲ । ଏମାନଙ୍କ ବ୍ୟତୀତ ଅନିଲ କପୁରଙ୍କ ଝିଅ ସୋନମ କପୁର ମଧ୍ୟ ଭରଜିଲଙ୍କ  ପରିବାର ପ୍ରତି ସମବେଦନା ଜଣାଇଛନ୍ତି। ସୋନମ ଲେଖିଛନ୍ତି ଯେ ଏହା ଅତ୍ୟନ୍ତ ଦୁଃଖଦାୟକ, ମୁଁ ତାଙ୍କ ପରିବାରର ଯନ୍ତ୍ରଣା ବୁଝିପାରୁଛି। ରେଷ୍ଟ ଇନ ପିସ୍‌।