ପ୍ରାୟ ସମସ୍ତଙ୍କ ରୋଷେଇ ଘରେ ଜୁଆଣି ଥାଏ । ଜୁଆଣି ତରକାରୀ ଓ ଡାଲିରେ ତଡକା ଦେବା ପାଇଁ ବ୍ୟବହାର କରାଯାଏ । ଯାହା ଦ୍ୱାରା ଖାଦ୍ୟର ସ୍ୱାଦ ଦୁଇଗୁଣ ବଢିଯାଏ । ତାହା ସହିତ ଜୁଆଣି ଆମ ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଉପକାରୀ ଅଟେ । ଆପଣ ଜାଣିଛନ୍ତି କି ଜୁଆଣି ପରି ଜୁଆଣି ପତ୍ର ମଧ୍ୟ ଶରୀରର ବିଭିନ୍ନ ରୋଗର ଉପଚାର କରେ । ଜୁଆଣି ପତ୍ର ରେ ଭିଟାମିନ କେ,ଏ ରହିବା ସହିତ ଆଣ୍ଟି-ଅକ୍ସିଡାଣ୍ଟର ଗୁଣ ରହିଛି ।
ଏହା ସହିତ ପ୍ରୋଟିନ,କାର୍ବୋହାଇଡ୍ରେଡ,ଫାଇବର,ସୋଡିୟମ,କ୍ୟାଲସିୟମ,ଫସ୍ଫରସ୍, ଆୟୋଡିନ,କେରାଟିନ ପରି ଭିଟାମିନ ରହିଛି । ତେବେ ଆସନ୍ତୁ ଜାଣିବା ଜୁଆଣି ପତ୍ର କେଉଁ ସବୁ ରୋଗ ଦୂର କରେ
୧. ଜୁଆଣି ପତ୍ର ଖାଇବା ଦ୍ୱାରା ଶରୀରରେ ରୋଗପ୍ରତିରୋଧକ ଶକ୍ତି ବଢିବା ସହିତ ଉଚ୍ଚ ରକ୍ତଚାପ ସମସ୍ୟା ଦୂରକରେ ।
୨. କିଡ୍ନୀ ଷ୍ଟୋନ ସମସ୍ୟା ଓ ୟୁରିନାରୀ ଇନଫେକସନ ସମସ୍ୟା ରହିଛି ,ତେବେ ଜୁଆଣି ପତ୍ର ଖାଇଲେ ୟୁରିନାରୀ ସିଷ୍ଟମ୍ ଭଲ ରହିଥାଏ ।
୩. ଜୁଆଣି ପତ୍ର ଜୁସ୍ ପିଇବା ଦ୍ୱାରା ମସ୍ତିିଷ୍କର ଥକାପଣ ଦୂର ହୋଇଥାଏ ଓ ଶରୀରର ଦୁର୍ବଳତା ଦୂର ହୋଇଥାଏ ।
୪. ପ୍ରତିଦିନ ସକାଳେ ଜୁଆଣି ପତ୍ର ଜୁସ୍ ପିଇବା ଦ୍ୱାରା ଆଣ୍ଠୁଗଣ୍ଠି ଯନ୍ତ୍ରଣା ଦୂର ହୋଇଥାଏ ।
୫. ଜୁଆଣି ପତ୍ରକୁ ଖାଇବା ଦ୍ୱାରା ଗ୍ୟାସ ସମସ୍ୟା ଦୂର ହୁଏ ।
୬. ଜୁଆଣି ପତ୍ର ଜୁସ୍ ପିଇବା ଦ୍ୱାରା ଓଜନ ହ୍ରାସ ହୋଇଥାଏ ।
୭. ଜୁଆଣି ପତ୍ର ଜୁସ୍ ପିଇବା ଦ୍ୱାରା ସୁଗାର ସ୍ତର ନିୟନ୍ତ୍ରଣ ରହିଥାଏ । ଯାହାଦ୍ୱାରା ଡାଇବେଟିସ୍ ନିୟନ୍ତ୍ରଣ ହୋଇ ରହିଥାଏ ।
୮. ଶ୍ୱାସ ରୋଗୀଙ୍କର ନିଃଶ୍ୱାସ ନେବାରେ ଅସୁବିଧା ହୋଇଥାଏ । ଏଥିପାଇଁ ଶ୍ୱାସ ରୋଗୀଙ୍କୁ ପ୍ରତିଦିନ ଜୁଆଣି ପତ୍ର ଜୁସ୍ ପିଇବା ଦ୍ୱାରା ଏହି ସମସ୍ୟାରୁ ରକ୍ଷା ପାଇପାରିବେ।
