ଯଦି ଆପଣ ଧ୍ୟାନ ନଦିଅନ୍ତି, ତେବେ ଫାଟିଯାଇଥିବା ଗୋଇଠି ସମସ୍ୟା ବଡ କଥା ନୁହେଁ । ଏହି ସମସ୍ୟା ଶୀତ ଋତୁରେ ଅଧିକ ହୋଇଥାଏ । ଯଦି ଗୋଇଠି ଜଳ ଏବଂ ଧୂଳି ମାଟି ସହିତ ଅଧିକ ସଂସ୍ପର୍ଶରେ ଆସିଥାଏ । ତେବେ ଏହାର ଫାଟିଯିବାର ସମ୍ଭାବନା ଅଧିକ ବଢିଯାଇଥାଏ । ଯଦି ଗୋଇଠି ଗଭୀର ଭାବରେ ଫାଟିଯାଏ ତେବେ ଏହା ବହୁତ କଷ୍ଟ ଦେଇଥାଏ । ଏହାସହ ପାଦର ସୌନ୍ଦର୍ଯ୍ୟ ସଂପୂର୍ଣ୍ଣ ଖରାପ ହୋଇଯାଏ। ଏଥିପାଇଁ ଗୋଇଠିରେ ଅଧିକ ଫାଟ ହେବା ପୂର୍ବରୁ କିଛି ଘରୋଇ ଉପଚାର ଗ୍ରହଣ କରି ଏହି ସମସ୍ୟା ଦୂର କରାଯାଇପାରିବ । ତେବେ ଆସନ୍ତୁ ଜାଣିବା ସେଗୁଡିକ କ’ଣ?
– ଆମେ ପ୍ରାୟତଃ କେଶ ପାଇଁ ନଡ଼ିଆ ତେଲ ବ୍ୟବହାର କରିଥାଉ କିନ୍ତୁ ଏହା ଫାଟିଯାଇଥିବା ଗୋଇଠିକୁ ଠିକ୍ କରିବା ପାଇଁ ମଧ୍ୟ ବ୍ୟବହୃତ ହୋଇଥାଏ । ଏହା କେବଳ ଗୋଇଠିକୁ ମଶ୍ଚରାଇଜର ରଖିବ ନାହିଁ ବରଂ ସେଗୁଡିକ ସଂକ୍ରମଣରୁ ମଧ୍ୟ ରକ୍ଷା କରିବ ।
– କଦଳୀ ତ୍ୱଚାକୁ ଶୁଷ୍କ ହେବାରୁ ରକ୍ଷା କରିଥାଏ। ଏଥିପାଇଁ ୨ ଟି ପାଚିଲା କଦଳୀକୁ ପେଷ୍ଟ କରି ଏହାକୁ ଫାଟି ଯାଇଥିବା ଗୋଇଠିରେ ୨୦ ମିନିଟ୍ ପର୍ଯ୍ୟନ୍ତ ଲଗାଇ ରଖନ୍ତୁ । ପରେ ଏହାକୁ ଭଲ ଭାବରେ ଧୋଇ ସଫା କରିଦିଅନ୍ତୁ । ଏପରି କରିବାର ପ୍ରାୟ ୨ ସପ୍ତାହ ମଧ୍ୟରେ ଗୋଇଠି ଭଲ ହୋଇଯିବ ।
– ଫାଟି ଯାଇଥିବା ଗୋଇଠିକୁ ଠିକ୍ କରିବା ପାଇଁ , ପାଦକୁ ପ୍ରାୟ ୨୦ ମିନିଟ୍ ପାଇଁ ଉଷୁମ ପାଣିରେ ବୁଡ଼ାଇ ରଖନ୍ତୁ ଏବଂ ସ୍କ୍ରବରେ ଗୋଇଠିକୁ ଭଲ ଭାବେ ଘଷନ୍ତୁ ।ଏପରି କରିବା ଦ୍ୱାରା ଗୋଇଠିରେ ଥିବା ମୃତ ଚର୍ମ ବାହାରି ଯାଇଥାଏ । ଏହାପରେ ଗୋଇଠିକୁ ପାଣିରୁ ବାହାର କରି ଏଥିରେ ସୋରିଷ ତେଲ ଲଗାନ୍ତୁ ଏବଂ ତା’ପରେ ମୋଜା ପିନ୍ଧନ୍ତୁ । କିଛି ଦିନ ମଧ୍ୟରେ ଗୋଇଠି ଭଲ ହୋଇଯିବ ।
