ଶରୀରର ଉତ୍ତମ ସ୍ୱାସ୍ଥ୍ୟ ପାଇଁ ସଠିକ୍ ହଜମ ହେଉଛି ସବୁଠାରୁ ଗୁରୁତ୍ୱପୂର୍ଣ୍ଣ ଜିନିଷ ବୋଲି ବିବେଚନା କରାଯାଏ । ଖାଦ୍ୟରୁ ପୋଷକ ତତ୍ତ୍ୱ ହଜମ ପ୍ରକ୍ରିୟା ମାଧ୍ୟମରେ ଅବଶୋଷିତ ହୁଏ, ଯାହା ଆମ ଶରୀରକୁ ପର୍ଯ୍ୟାପ୍ତ ପରିମାଣର ଶକ୍ତି ଦେଇଥାଏ । ଯକୃତ ସହିତ ଅନ୍ତନଳୀ ମଧ୍ୟ ହଜମ ପାଇଁ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ଏପରି ସମସ୍ୟା ଥିବା ଲୋକଙ୍କୁ ଅନ୍ତନଳୀକୁ ସୁସ୍ଥ ରଖିବା ପାଇଁ ପରାମର୍ଶ ଦିଆଯାଇଛି । ବିଶେଷଜ୍ଞ କହିବା ଅନୁଯାୟୀ ହଜମ ପ୍ରକ୍ରିୟାକୁ ସୁସ୍ଥ ଏବଂ ଉନ୍ନତ ରଖିବା ପାଇଁ ଅନ୍ତନଳୀକୁ ସୁସ୍ଥ ଏବଂ ପରିଷ୍କାର ରଖିବା ଉଚିତ୍ । ହଜମ ପ୍ରକ୍ରିୟା ସମୟରେ ଖାଦ୍ୟ ବର୍ଜ୍ୟବସ୍ତୁ ଏବଂ ବିଷାକ୍ତ ପଦାର୍ଥ ଅନ୍ତନଳୀରେ ଜମା ହେବା ଆରମ୍ଭ କରେ, ଯାହା ଶରୀର ପାଇଁ ଅତ୍ୟନ୍ତ କ୍ଷତିକାରକ । ଏଥିପାଇଁ ସମୟକ୍ରମେ ଅନ୍ତନଳୀକୁ ସଫା ରଖିବା ପାଇଁ ପଦକ୍ଷେପ ଗ୍ରହଣ କରିବା ଅତ୍ୟନ୍ତ ଆବଶ୍ୟକ । ତେବେ ଆସନ୍ତୁ ଜଣିବା କିଛି ପ୍ରାକୃତକ ଉପାୟ ବିଷୟରେ ଯାହା ଅନ୍ତନଳୀକୁ ସଫା ରଖିବା ପାଇଁ ଅତ୍ୟନ୍ତ ଲାଭଦାୟକ ଅଟେ ।
୧.ଖାଦ୍ୟରେ ଫାଇବରର ପରିମାଣ ବଢାନ୍ତୁ : ପେଟକୁ ସୁସ୍ଥ ରଖିବା ପାଇଁ ଖାଦ୍ୟରେ ଭଲ ପରିମାଣର ଫାଇବର ବଜାୟ ରଖିବା ଆବଶ୍ୟକ । ହଜମ ପ୍ରକ୍ରିୟାକୁ ଠିକ ରଖିବା ସହିତ ଅନ୍ତନଳୀ ସଫା କରିବା ପାଇଁ ଫଳ କିମ୍ବା ପନିପରିବା ରସ ସାମିଲ କରିବା ଉଚିତ । ଯାହା ଫାଇବରରେ ଭରପୂର ଅଟେ । ଏଥିପାଇଁ ଆପଲ୍, ବନ୍ଧାକୋବି, ଗାଜର, ବ୍ରୋକୋଲି ଭଳି ଜିନିଷ ଖାଇବା ମଧ୍ୟ ଲାଭଦାୟକ ଅଟେ ।
୨.ପ୍ରଚୁର ପାଣି ପିଅନ୍ତୁ: ପାନୀୟ ଜଳ ସ୍ୱାସ୍ଥ୍ୟ ପାଇଁ ଲାଭଦାୟକ ବୋଲି ବିବେଚନା କରାଯାଏ, ଏହା ଅନ୍ତନଳୀରୁ ବର୍ଜ୍ୟବସ୍ତୁ ଏବଂ ବିଷାକ୍ତ ପଦାର୍ଥ ବାହାର କରିବାରେ ମଧ୍ୟ ସହାୟକ ହୋଇଥାଏ । ପାଣି ଶରୀରକୁ ହାଇଡ୍ରେଟ୍ ରଖେ । ଅଧ୍ୟୟନରୁ ଜଣାପଡିଛି ଯେ ଲୁଣ ମିଶ୍ରିତ ପାଣି ପିଇବା ମଧ୍ୟ ଲାଭଦାୟକ ଅଟେ ।
୩.ଫଳ ଏବଂ ପନିପରିବା ରସ : ଅନ୍ତନଳୀକୁ ସଫା ରଖିବା ପାଇଁ ପାନୀୟର ବ୍ୟବହାର ଅଧିକ ହେବା ଉଚିତ, ଏଥିରେ ପନିପରିବା ରସ ଅଧିକ ଲାଭଦାୟକ ହୋଇଥାଏ । ଗାଜର, ବିଲାତି, କଲରା ଏବଂ ପାଳଙ୍ଗର ମିଶ୍ରିତ ରସ ସେବନ ଦ୍ୱାରା ଅନ୍ତନଳୀ ସଫା କରିବା ପାଇଁ ଅଧିକ ଲାଭଦାୟକ ହୋଇଥାଏ ।
୪. ହର୍ବାଲ ଟି: ଅନ୍ତନଳୀକୁ ସଫା ଏବଂ ସୁସ୍ଥ ରଖିବା ପାଇଁ ହର୍ବାଲ ଟି ସେବନ ଲାଭଦାୟକ ଅନ୍ତନଳୀକୁ । ସାଇଲିୟମ୍, ଆଲୋ ଭେରା, ମାର୍ଶମେଲୋ ଇତ୍ୟାଦିରେ ଭଲ ପରିମାଣର ଲକ୍ସାଟିଭ୍ ମିଳିଥାଏ ଯାହା ହଜମ ହଜମ କ୍ରିୟା ଠିକ ରଖେ ଏବଂ ମଳ ତ୍ୟାଗ ପ୍ରକ୍ରିୟାକୁ ସହଜ କରିଥାଏ । ଏଥିପାଇଁ ଗ୍ରୀନ ଟି ପିଇବା ମଧ୍ୟ ଆପଣଙ୍କ ପାଇଁ ଲାଭଦାୟକ ହୋଇଥାଏ ।
