ବାଲେଶ୍ୱର ପାଇଁ ୧୫୫ କୋଟି

ବାଲେଶ୍ୱର, ବାଲେଶ୍ୱର ଜିଲ୍ଲାର ବିକାଶ ପାଇଁ ୧୫୫ କୋଟି ଟଙ୍କା ପ୍ୟାକେଜ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବାଲେଶ୍ବର ମ୍ୟୁନିସିପାଲିଟିର ସବୁ ରାସ୍ତାର ଉନ୍ନତୀକରଣ କରାଯିବ । ତୁମୁଳିଆ ଗେଟ ଫ୍ଲାଇଓଭରରୁ ଷ୍ଟେସନ ଛକ ଯାଏ ୬ ଲେନର ରାସ୍ତା ନିର୍ମାଣ କରାଯିବ । ଏହି ୬ ଲେନ ରାସ୍ତାରେ ଆଧୁନିକ ଷ୍ଟ୍ରୀଟ ଲାଇଟ ବ୍ୟବସ୍ଥା କରାଯିବ । ଏଥିପାଇଁ ୭୦ କୋଟି ଟଙ୍କା ଖର୍ଚ୍ଚ ଅଟକଳ କରାଯାଇଛି । ଇଣ୍ଡୋର ହଲ, ସୁଇମିଂ ପୁଲ୍ ପାଇଁ ୧୪ କୋଟି ଟଙ୍କା ଖର୍ଚ୍ଚ ହେବ । ବୁଢ଼ାବଳଙ୍ଗ ନଦୀପଠାର ସୌନ୍ଦର୍ଯ୍ୟକରଣ ଓ ସୁରକ୍ଷା ପାଇଁ ଖର୍ଚ୍ଚ ହେବ ୫୩ କୋଟି । ଡ୍ରେନେଜ, କେନାଲ, ରାସ୍ତାର ବିକାଶ ପାଇଁ ଖର୍ଚ୍ଚ ହେବ ୭ କୋଟି ଟଙ୍କା ।