ଝାରସୁଗୁଡା ସବଜେଲରେ ୬୮ କଏଦୀ କରୋନା ପଜିଟିଭ୍ ଚିହ୍ନଟ

ଝାରସୁଗୁଡା-୧୫.୦୫.୨୦୨୧, ରାଜ୍ୟରେ କରୋନା ସଂକ୍ରମଣ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ।ସଂକ୍ରମଣକୁ ଏଡାଇବା ପାଇଁ ରାଜ୍ୟରେ ଲକଡାଉନ ସଟଡାଉନ ଲାଗୁ ହୋଇଛି ।ପରେ ମଧ୍ୟ ରାଜ୍ୟରେ ସଂକ୍ରମଣ କମୁନାହିଁ। ରାଜ୍ୟର ବିଭିନ୍ନ ସ୍ଥାନରୁ ଅନେକ କରୋନା ପଜିଟିଭ ଚିହ୍ନଟ ହେଉଛନ୍ତି। ତେବେ କରୋନା ପ୍ରକୋପ ଜେଲଗୁଡିକରେ ମଧ୍ୟ ଦେଖାଦେଉଛି । ରାଜ୍ୟର ବିଭିନ୍ନ ଜେଲ ଭିତରୁ କଏଦୀ ମାନଙ୍କ ରିପୋର୍ଟ କରୋନା ପଜିଟିଭ୍ ଚିହ୍ନଟ ହେଉଛନ୍ତି । ଏବେ ଝାରସୁଗୁଡା ସବଜେଲ୍ ରେ ବି କରୋନା । ଝାରସୁଗୁଡା ସବଜେଲ୍ ରେ ୬୮ କଏଦୀ କରୋନା ପଜିଟିଭ୍ ଚିହ୍ନଟ ହୋଇଥିବା ଜେଲରଙ୍କ ପକ୍ଷରୁ ସୂଚନା ଦିଆଯାଇଛି । ଉପକାରଗାରରେ ମୋଟ୍ ୨୮୨ କଏଦୀଙ୍କ କୋଭିଡ୍ ଟେଷ୍ଟ କରାଯାଇଥିଲା । ସେଥିମଧ୍ୟରୁ ୬୮ ଜଣଙ୍କ ରିପୋର୍ଟ ଆଜି ପଜିଟିଭ୍ ଆସିଛି । ସମସ୍ତଙ୍କୁ ଜେଲ ଭିତରେ ଆଇସୋଲେସନ ୱାର୍ଡରେ ରଖାଯାଇଛି ।
ଏଠାରେ ସୂଚନାଯୋଗ୍ୟ ଯେ, ଗତକାଲି ବ୍ରହ୍ମପୁର ମଣ୍ଡଳ କାରାଗାରରେ ୪୮ ଜଣ ବିଚାରାଧୀନ କଏଦୀ କରୋନା ପଜିଟିଭ ଚିହ୍ନଟ ହୋଇଥିଲେ ।