ବାସ୍ତୁ ଶାସ୍ତ୍ର ଅନୁସାରେ ସମସ୍ତ ଦିଗର ଏକ ଅଲଗା ଅଲଗା ମହତ୍ୱ ଅଛି । ଯେପରିକି ପୂଜାପାଠ ପାଇଁ ପୂର୍ବ ଉତ୍ତର ଦିଗ ଖାସ ହୋଇଥାଏ । ସେପରି ଅଲଗା ଅଲଗା କାମ ପାଇଁ ଅଲଗା ଅଲଗା ଦିଗ ବଛାଯାଇଥାଏ । ବାସ୍ତୁଶାସ୍ତ୍ର ଅନୁସାରେ ଖାଦ୍ୟ ଖାଇଲାବେଳେ ଉଚିତ ଦିଗକୁ ବସି ଖାଇବା ଆବଶ୍ୟକ । ତେବେ ଆସନ୍ତୁ ଜାଣିବା ଖାଦ୍ୟ ଖାଇଲାବେଳେ କେଉଁ ଦିଗକୁ ମୁହଁ କରି ବସିବା ଉଚିତ ଏବଂ କେଉଁ ଦିଗକୁ ମୁହଁ କରି ବସିବା ଉଚିତ ନୁହେଁ ।

କେଉଁ ଦିଗକୁ ମୁହଁ କରି ଭୋଜନ କରିବା ଆବଶ୍ୟକ : ବାସ୍ତୁଶାସ୍ତ୍ର ଅନୁସାରେ ପୂର୍ବଦିଗ ଦେବତାଙ୍କ ସହ ଜଡିତ । ଏହିଦିଗକୁ ମୁହଁ କରିଖାଇଲେ ସମସ୍ତ ରୋଗ ଦୂର ହୋଇଯାଇଥାଏ ଏବଂ ଦେବତାଙ୍କ କୃପା ମିଳିଥାଏ । ସେହିପରି ଉତ୍ତର ଦିଗ ମଧ୍ୟ ଦେବତାଙ୍କ ଦିଗ ହୋଇଥାଏ ଏହି ଦିଗରେ ମା’ ଲକ୍ଷ୍ମୀଙ୍କର ଓ ଧନର ଦେବତା କୁବେରଙ୍କର ବାସ ହୋଇଥାଏ । ଏହିଦିଗକୁ ମୁହଁ କରି ଭୋଜନ କରିବା ଦ୍ୱାରା ଘରେ ଟଙ୍କା ପଇସାର ଅଭାବ ନଥାଏ । ଘରର ମୁଖିଆ ଉତ୍ତର ଦିଗକୁ ମୁହଁ କରି ଭୋଜନ କରିବା ଅତ୍ୟନ୍ତ ଶୁଭ ହୋଇଥାଏ । ବାସ୍ତୁଶାସ୍ତ୍ର ଅନୁସାରେ ଦକ୍ଷିଣ ଦିଗକୁ ମୁହଁ କରିଖାଇବା ଉଚିତ ନୁହେଁ । ଏହି ଦିଗକୁ ମୁହଁ କରି ଭୋଜନ କରିବା ଦ୍ୱାରା ଦାରିଦ୍ରତା ବଢିଥାଏ । ବାସ୍ତୁ ଅନୁସାରେ ଘରକୁ ଆସୁଥିବା ଅତିଥିଙ୍କୁ ପଶ୍ଚିମ ଦିଗକୁ ବସାଇ ଖାଦ୍ୟ ପରଷିବା ଆବଶ୍ୟକ । ଏହା ସହ ନିଜେ ଉତ୍ତର କିମ୍ବା ପୂର୍ବ ଦିଗକୁ ମୁହଁ କରି ଖାଦ୍ୟ ଖାଇବା ଆବଶ୍ୟକ । ସେହିପରି ଘରର ଡାଏନିଙ୍ଗ ଟେବୁଲକୁ ଦକ୍ଷିଣ କିମ୍ବା ପଶ୍ଚିମ ଦିଗକୁ ରଖିବା ଆବଶ୍ୟକ ।