ଧରାପଡିଲେ ଅଭିନେତ୍ରୀ ରଶ୍ମିକାଙ୍କ ଡିପଫେକ୍ ଭିଡିଓ ଅପଲୋଡ କରିଥିବା ଯୁବକ
ନିକଟରେ ସୋସିଆଲ ମିଡିଆରେ ବହୁଳ ଭାବେ ପ୍ରସାରିତ ହୋଇଥିବା ଅଭିନେତ୍ରୀ ରଶ୍ମିକା ମନ୍ଦନାଙ୍କ ଏକ ଭିଡିଓକୁ ନେଇ ଦିଲ୍ଲୀ ପୁଲିସ ବିହାରର ଜଣେ ୧୯ ବର୍ଷୀୟ ଯୁବକଙ୍କୁ ପଚରାଉଚରା କରିଛି। ପୁଲିସ ବିଶ୍ୱାସ କରୁଛି ଯେ ଯୁବକ ଜଣକ ଏହି ଭିଡିଓକୁ ନିଜ ସୋସିଆଲ୍ ମିଡିଆ ପ୍ଲାଟଫର୍ମରେ ଅପଲୋଡ୍ କରିଥିଲେ ଏବଂ ପରେ ଏହାକୁ ଅନ୍ୟ ପ୍ଲାଟଫର୍ମରେ ବ୍ୟାପକ ଭାବେ ସେୟାର୍ କରିଥିଲେ। ତାଙ୍କ ଆକାଉଣ୍ଟରୁ ପ୍ରଥମେ ସୋସିଆଲ ମିଡିଆରେ ଭିଡିଓ ଅପଲୋଡ୍ ହେବା ପରେ ତାଙ୍କୁ ତଦନ୍ତରେ ସାମିଲ୍ ହେବାକୁ କୁହାଯାଇଥିଲା।