ବଲିଉଡ ଅଭିନେତ୍ରୀ ଭୂମି ପେଡନେକରଙ୍କ ନୂଆ ଚଳଚ୍ଚିତ୍ର ‘ଭକ୍ଷକ’ର ପ୍ରଥମ ଲୁକ ସୋସିଆଲ ମିଡିଆରେ ପ୍ରକାଶ ପାଇଛି। ରେଡ୍ ଚିଲିଜ୍ ଦ୍ୱାରା ନିର୍ମିତ ପ୍ରକୃତ ଘଟଣା ଦ୍ୱାରା ଆଧାରିତ ଏହି ଚଳଚ୍ଚିତ୍ରରେ ଭୂମି ପେଡନେକର ଜଣେ ଅନୁସନ୍ଧାନକାରୀ ସାମ୍ବାଦିକ ଭୂମିକାରେ ନଜର ଆସିଛନ୍ତି, ଯିଏ ବିଶ୍ୱକୁ ସତ୍ୟ ଆଣିବା ପାଇଁ ଯେକୌଣସି ସ୍ତରକୁ ଯାଇପାରିବେ | ଚଳଚ୍ଚିତ୍ରର ଟିଜରରେ ଭୂମି ପେଡନେକରଙ୍କ ସହ ସଞ୍ଜୟ ମିଶ୍ର, ଆଦିତ୍ୟ ଶ୍ରୀବାସ୍ତବ ଏବଂ ସାଇ ତାମନକର ମଧ୍ୟ ପ୍ରମୁଖ ଭୂମିକାରେ ନଜର ଆସିବେ।
ଭୂମି ପେଡନେକର ଅଭିନୀତ ‘ଭକ୍ଷକ’ ଚଳଚ୍ଚିତ୍ରର କାହାଣୀ ଏଭଳି ଏକ ସାମ୍ବାଦିକଙ୍କ କାହାଣୀ, ଯିଏ ମହିଳାମାନଙ୍କ ପ୍ରତି ହେଉଥିବା ଘୃଣ୍ୟ ଅପରାଧ ଏବଂ ଅପରାଧର ମୂଳ ବାସ୍ତବତାକୁ ଦୁନିଆ ସାମ୍ନାକୁ ଆଣିଥାଏ | ‘ଭକ୍ଷକ’ ଚଳଚ୍ଚିତ୍ରର ଟିଜର ଦେଖିଲେ ବୁଝିପାରିବେ, ଜଣେ ସାମ୍ବାଦିକ ଭୂମିକାରେ ଅଭିନୟ କରୁଥିବା ଭୂମି ପେଡନେକର ଏକ ବାଳିକା ଘରେ ଝିଅମାନଙ୍କ ସହ କିଛି ଭୁଲ୍ ହେଉଛି କି ଏଭଳି ଏକ ଟିପ୍ସ ପାଇଛନ୍ତି। ଯାହାର ସତ୍ୟତା ଜାଣିବା ପାଇଁ ଭୂମି ବାହାରିପଡିଛନ୍ତି |
https://www.instagram.com/reel/C2OoqNkra47/?utm_source=ig_web_copy_link
‘ଭକ୍ଷକ’ ଟିଜରର ଶେଷରେ ଭୂମି ଜଣେ ଝିଅକୁ କହିଛନ୍ତି, ଆମେ ପିଲାମାନଙ୍କର ଅଧିକାର ପାଇଁ ସଂଗ୍ରାମ କରୁଛୁ, ତୁମେ ବୁଝିପାରୁଛ କି? ଫିଲ୍ମ ରିଲିଜ ହେବା ପୂର୍ବରୁ ଭିଡିଓରେ ଭୂମୀଙ୍କ ଚରିତ୍ର ଏବଂ କାହାଣୀ ଆକର୍ଷଣୀୟ ଦେଖାଯାଉଛି |
ଶାହାରୁଖ ଖାନଙ୍କ ପ୍ରଡକ୍ସନ୍ ହାଉସ୍ ରେଡ୍ ଚିଲିଜ୍ ବ୍ୟାନରରେ ନିର୍ମିତ ଫିଲ୍ମ ‘ଭକ୍ଷକ’ର ନିର୍ମାତା ହେଉଛନ୍ତି ଗୌରୀ ଖାନ୍ ଏବଂ ଗୌରବ ଭର୍ମା। ସସପେନ୍ସ ଥ୍ରୀଲର ଚଳଚ୍ଚିତ୍ର ‘ଭକ୍ଷକ’ 9 ଫେବୃଆରୀ 2024 ରେ OTT ପ୍ଲାଟଫର୍ମ ନେଟଫ୍ଲିକ୍ସରେ ମୁକ୍ତିଲାଭ କରିବ |
