ଦେଶରେ କମୁଛି ସଂକ୍ରମଣ !

ନୂଆଦିଲ୍ଲୀ-୧୫.୦୫.୨୦୨୧, ଦେଶରେ କମୁଛି ସଂକ୍ରମଣ । ଦେଶରେ ଅନେକ ଦିନ ଧରି କରୋନାର ଦ୍ବିତୀୟ ଲହର ସଂକ୍ରମଣ ଆତଙ୍କ ସୃଷ୍ଟି କରିବା ପରେ ଏବେ ଦେଶରେ ସଂକ୍ରମଣ ଧିରେ ଧିରେ କମିବାରେ ଲାଗିଛି । ଏନେଇ ପ୍ରେସମିଟରେ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରାଳୟ ଯୁଗ୍ମ ସଚିବ ଲବ୍ ଅଗ୍ରୱାଲ ସୂଚନା ଦେଇଛନ୍ତି । ଗତ ସପ୍ତାହରେ ଦେଶରେ ସଂକ୍ରମଣ ହାର ୨୧.୯ % ରହିଥିବାବେଳେ ବର୍ତ୍ତମାନ ସଂକ୍ରମଣ ହାର ୧୯.୮% ରହିଛି । ଦେଶରେ କିଛି ରାଜ୍ୟ ଯଥା- ଦିଲ୍ଲୀ, ହରିୟାଣା, ମଧ୍ୟପ୍ରଦେଶ, ଛତିଶଗଡରେ ସଂକ୍ରମଣ କମୁଥିବାବେଳେ ତାମିଲନାଡୁ, ଓଡିଶା ଓ ଆସାମ ଆଦି ରାଜ୍ୟ ସହ ଦେଶର ୭ ଟି ରାଜ୍ୟରେ ସଂକ୍ରମଣ ବଢିବାରେ ଲାଗିଛି। ସଂକ୍ରମଣ ବଢୁଥିବା ରାଜ୍ୟରେ କଟକଣା କଡାକଡି ହେବା ଦରକାର ବୋଲି କହିଲେ ଯୁଗ୍ମ ସଚିବ ଲବ୍ ଅଗ୍ରୱାଲ ।