ଶରୀରକୁ ସୁସ୍ଥ ଏବଂ ସମସ୍ତ ପ୍ରକାର ରୋଗରୁ ମୁକ୍ତ ରଖିବା ପାଇଁ ପୁଷ୍ଟିକର ଖାଦ୍ୟ ଖାଇବା ଆବଶ୍ୟକ। ଏଥିପାଇଁ ସଠିକ୍ ସମୟରେ ସଠିକ୍ ଖାଦ୍ୟ ବାଛିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ । ବିଶେଷଜ୍ଞ କହିବା ଅନୁଯାୟୀ ପୁଷ୍ଟିକର ଖାଦ୍ୟ ସହିତ ଦିନ ଆରମ୍ଭ କରିବା ଉଚିତ୍ । ସକାଳ ଜଳଖିଆ ଯେତେ ସ୍ୱାସ୍ଥ୍ୟକର, ଏହା ସ୍ୱାସ୍ଥ୍ୟ ପାଇଁ ଅଧିକ ଲାଭଦାୟକ । ଅନେକ ପ୍ରକାରର ଫଳ, କ୍ଷୀର ଏବଂ ଅଣ୍ଡାକୁ ଖାଦ୍ୟରେ ଅନ୍ତର୍ଭୁକ୍ତ କରିବା ଏକ ଉତ୍ତମ ବିକଳ୍ପ ଭାବରେ ବିବେଚନା କରାଯାଏ । ଜଳଖିଆରେ ପ୍ରୋଟିନ୍, ଭିଟାମିନ୍ ଏବଂ ବିଭିନ୍ନ ଖଣିଜ ପଦାର୍ଥର ପରିମାଣ ନିୟନ୍ତ୍ରଣ କରିବା ଆମ ଶରୀର ପାଇଁ ଲାଭଦାୟକ ଅଟେ । ତେବେ ଆସନ୍ତୁ ଜାଣିବା ସୁସ୍ଥ ଏବଂ ପିଟ୍ ରହିବା ପାଇଁ ଆମ ଜଳଖିଆରେ କେଉଁ ସବୁ ଖାଦ୍ୟ ସାମିଲ କରିବା ଉଚିତ?
୧.ଅଣ୍ଡା: ଅଣ୍ଡା ଆମ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକଅଟେ । ଏହାକୁ ଜଳଖିଆରେ ଅନ୍ତର୍ଭୁକ୍ତ କରିବା ବିଶେଷ ଲାଭଦାୟକ ହୋଇପାରେ ।ଅଧ୍ୟୟନରୁ ଜଣାପଡିଛି ଯେ ଜଳଖିଆରେ ଅଣ୍ଡା ଖାଇବା ଦ୍ୱାରା ପେଟକୁ ପୂର୍ଣ୍ଣ ରହେ , ଯାହାଦ୍ୱାରା ଖାଦ୍ୟରୁ କ୍ୟାଲୋରୀ ଗ୍ରହଣକୁ ନିୟନ୍ତ୍ରଣ କରାଯାଇଥାଏ । କେବଳ ଏତିକି ନୁହେଁ, ଅଣ୍ଡାରେ ଥିବା ଭିଟାମିନ୍ ଏବଂ ଅନ୍ୟାନ୍ୟ ପୋଷକ ତତ୍ତ୍ୱ ରକ୍ତ ଶର୍କରା ସ୍ତରକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ । ଅଣ୍ଡାର ହଳଦିଆରେ ଲ୍ୟୁଟିନ୍ ଏବଂ ଜିଆକ୍ସାଣ୍ଟିନ୍ ନାମକ ଆଣ୍ଟିଅକ୍ସିଡାଣ୍ଟ ଥାଏ ଯାହା ମୋତିଆବିନ୍ଦୁ ଏବଂ ଅନ୍ୟ ଚକ୍ଷୁ ରୋଗକୁ ରୋକିବାରେ ସାହାଯ୍ୟ କରିଥାଏ ।
୨.କଫି: ଦିନ ଆରମ୍ଭ କରିବା ପାଇଁ କଫି ଏକ ଚମତ୍କାର ପାନୀୟ । ଏଥିରେ କଫିନ୍ ଅଧିକ ଥାଏ ଯାହା ମାନସିକର ଉନ୍ନତି ଆଣିବା ସହିତ ମନୋବଳକୁ ଉନ୍ନତ କରିବାରେ ସାହାଯ୍ୟ କରିଥାଏ । ବିଶେଷଜ୍ଞଙ୍କ ଅନୁଯାୟୀ ପ୍ରତିଦିନ ୩୮-୪୦୦ ମି.ଗ୍ରା ପରିମାଣର କ୍ୟାଫେନ୍ ଗ୍ରହଣ କରିବା ଦ୍ୱାରା ଅନେକ ଲାଭ ହୋଇଥାଏ । ଯଦିଓ ଅତ୍ୟଧିକ ପରିମାଣ ମଧ୍ୟ କ୍ଷତିକାରକ ବୋଲି ବିବେଚନା କରାଯାଏ ।
୩.ଚିଆ ମଞ୍ଜି: ଚିଆ ମଞ୍ଜି ଅତ୍ୟନ୍ତ ପୁଷ୍ଟିକର ଏବଂ ଫାଇବରର ସର୍ବୋତ୍ତମ ଉତ୍ସ ।୨୮ ଗ୍ରାମ ଚିଆ ମଞ୍ଜିରୁ ୧୧ ଗ୍ରାମ ଫାଇବର ମିଳିପାରିବ । ଏଥିସହ, ଚିଆ ମଞ୍ଜିରେ ଥିବା ଫାଇବରର ଏକ ଅଂଶ ହେଉଛି ଭିସକସ୍ ଫାଇବର, ଯାହା ଜଳ ଶୋଷିବା ଦ୍ୱାରା ହଜମ ପ୍ରକ୍ରିୟାରେ ସାହାଯ୍ୟ କରିଥାଏ ।
