ଚଣା ଖାଇବା ଶରୀର ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ । ଚଣାରେ ପ୍ରୋଟିନ, ଫାଇବର ପର୍ଯ୍ୟାପ୍ତ ମାତ୍ରାରେ ରହିଥାଏ, ଯାହା ଶରୀର ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ। ଆପଣ ଜାଣନ୍ତି କି ଚଣା ଖାଇବା ଦ୍ୱାରା ଆପଣଙ୍କୁ କେତେ ପ୍ରକାରର ଲାଭ ମିଳିଥାଏ ?ଯଦି ଜାଣିନାହାନ୍ତି ତେବେ ଆସନ୍ତୁ ଜାଣିବା ଶରୀର ପାଇଁ ଚଣାର ଉପକାରିତା ।
ବିଶେଷଜ୍ଞଙ୍କ କହିବା ଅନୁସାରେ ଚଣା ଖାଇବଦ୍ୱାରା ପେଟର ସମସ୍ୟା କମ୍ ହେବା ସହ ରକ୍ତଚାପ ମଧ୍ୟ ନିୟନ୍ତ୍ରିତ ରହିଥାଏ ଏବଂ ଏହାକୁ ନିୟମିତ ଖାଇବା ଦ୍ୱାରା ଓଜନ ମଧ୍ୟ କମିଥାଏ । ସେହିଭଳି ଚଣାରେ ଗୁଡ ମିଶାଇ ଖାଇଲେ ଶରୀରକୁ ଆଇରନ ଶକ୍ତି ମିଳିଥାଏ ।
ଶରୀରର ଶକ୍ତି ବଢାଇଥାଏ ଚଣା : ଚଣାରେ ପ୍ରୋଟିନ ପର୍ଯ୍ୟାପ୍ତ ମାତ୍ରାରେ ଥାଏ । ଏହା ମାଂସପେଶୀ ବଢାଇବାରେ ସାହାର୍ଯ୍ୟ କରିଥାଏ । ଶାରୀରିକ କ୍ଷମତା ବଢାଇବାରେ ଚଣାର ବିଶେଷ ଭୂମିକା ରହିଛି । ଯଦି ଆପଣ ସିଝା ଚଣାକୁ ଗୁଡ ସହ ମିଶାଇ ଖାଆନ୍ତି ତେବେ ଏହା ଶରୀରରେ ରକ୍ତର ଅଭାବ ଦୂର କରିବା ସହ ଶରୀରକୁ ସମ୍ପୂର୍ଣ୍ଣ ସୁସ୍ଥ ରଖିଥାଏ।
ଏହା ବ୍ଲଡଶୁଗାରକୁ ନିୟନ୍ତ୍ରିତ ରଖିଥାଏ : ମଧୁମେହ ରୋଗୀଙ୍କ ପାଇଁ ସମସ୍ତ ଭିଟାମିନ ଯୁକ୍ତ ଖାଦ୍ୟ ଖାଇବା ସମ୍ଭବ ହୋଇନଥାଏ । ସେଥିପାଇଁ ଡାଇବେଟିସ ଥିବା ବ୍ୟକ୍ତି ଚଣାକୁ ସିଝେଇ ଖାଇବା ବିଶେଷ ଲାଭକାରୀ ହୋଇଥାଏ । ଏହା ଶରୀରରେ ଶର୍କରାର ମାତ୍ରାକୁ ବଢାଏ ନାହିଁ ।
ପାଚନକ୍ରିୟାକୁ ସୁସ୍ଥ ରଖେ : ଯଦି ଆପଣ ପାଚନ ସମସ୍ୟାକୁ ନେଇ ଚିନ୍ତିତ ଅଛନ୍ତି ତେବେ ନିତିଦିନ ଖାଦ୍ୟରେ ଚଣାକୁ ସାମିଲ କରନ୍ତୁ । ପ୍ରତିଦିନ ଚଣାକୁ ସିଝାଇ ଖାଇଲେ ଏଥିରେ ଥିବା ଫାଇବର ଆପଣଙ୍କ ହଜମ କ୍ରିୟାକୁ ସଠିକ୍ ରଖିବା ସହ ଶରୀରକୁ ଆବଶ୍ୟକ ପୋଷକ ତତ୍ତ୍ୱ ଯୋଗାଇଥାଏ ।
