କିସମିସ୍ ଆମ ଶରୀର ପାଇଁ ବହୁ ଉପକାରୀ ଅଟେ । ଏହାକୁ ଖାଇବା ଦ୍ୱାରା ଆମର ଓଜନ ହ୍ରାସ ହେବା ସହ ବହୁ ସମସ୍ୟା ଦୂର ହୋଇଥାଏ । ଏହାସହ ଅନେକ ଲୋକ ଜାଣିଥିବେ ଯେ କିସମିସ୍ ପାଣି ମଧ୍ୟ ଶରୀରର ଅନେକ ସମସ୍ୟା ଦୂର କରିଥାଏ । ଏହା ରୋଗକୁ ଦୂର କରିଥାଏ ଏବଂ ରୋଗରୁ ରକ୍ଷା ମଧ୍ୟ କରିଥାଏ । ବିଶେଷକରି ଯକୃତ ରୋଗରେ କିସମିସ୍ ପାଣି ବହୁତ ପ୍ରଭାବଶାଳୀ ଅଟେ । କିନ୍ତୁ ଏଥିପାଇଁ କିସମିସ୍ ପାଣି ସଠିକ୍ ଭାବରେ ପ୍ରସ୍ତୁତ ହେବା ଆବଶ୍ୟକ । ଡ୍ରାଏଫ୍ରୁଟ୍ସ କିସମିସ୍ କେବଳ ସ୍ୱାଦରେ ଭଲ ନୁହେଁ, ବରଂ ଏଥିରେ ଥିବା ପୋଷକ ତତ୍ତ୍ୱ ଅନେକ ରୋଗରୁ ଉପଶମ ମଧ୍ୟ କରିଥାଏ । ତେବେ ଆସନ୍ତୁ ଜାଣିବା କିସମିସ୍ ପାଣର ଉପକାରିତା ବିଷୟରେ
![](https://ansodia.in/wp-content/uploads/2022/01/raisin_5d36c417e295b-1024x650.jpg)
-କିସମିସ୍ ପାଣି ପିଇବା ଦ୍ୱାରା ଶରୀରରେ ଥିବା ସମସ୍ତ ବିଷାକ୍ତ ପଦାର୍ଥ ବାହାରିଯାଇଥାଏ ।ଏହା କୁହାଯାଇପାରେ ଯେ କିସମିସ୍ ପାଣି ଯକୃତକୁ ଡିଟକ୍ସିଫାଇ କରିବା ପାଇଁ ଏକ ଉତ୍ତମ ବିକଳ୍ପ ଅଟେ ।
– କିସମିସ୍ ପାଣି ପିଇବା ଦ୍ୱାରା ଅମ୍ଳତା ସମସ୍ୟା ଦୂର ହୋଇଥାଏ । ଏହାସହ ପେଟରେ ଥିବା ଏସିଡ୍ କୁ ନିୟନ୍ତ୍ରଣ କରିଥାଏ ।
-କିସମିସ୍ ପାଣି ମଧ୍ୟ ରକ୍ତକୁ ଶୁଦ୍ଧ କରିବା ସହ ହୃଦୟକୁ ସୁସ୍ଥ ରଖିବାରେ ବହୁତ ସାହାଯ୍ୟ କରିଥାଏ । ଏହା ଖରାପ କୋଲେଷ୍ଟ୍ରଲକୁ ଦୂର କରିଥାଏ ଏବଂ ସ୍ୱାସ୍ଥ୍ୟ ସମସ୍ୟାରୁ ରକ୍ଷା କରିଥାଏ ।
-କିସମିସ୍ ରେ ଭରପୂର ମାତ୍ରାରେ ଆଣ୍ଟିଅକ୍ସିଡାଣ୍ଟ ଥାଏ ଯାହା ଶରୀରକୁ ଫ୍ରି ରେଡିକାଲରୁ ରକ୍ଷା କରିଥାଏ । ଯାହା କର୍କଟ ରୋଗର କାରଣ ହୋଇଥାଏ ।
-କିସମିସ୍ ର ଏହି ଆଣ୍ଟିଅକ୍ସିଡାଣ୍ଟ ରୋଗ ପ୍ରତିରୋଧକ ଶକ୍ତିରେ ମଧ୍ୟ ଉନ୍ନତି ଆଣିଥାଏ । ଯେଉଁମାନେ ବାରମ୍ବାର ରୋଗର ଶିକାର ହୁଅନ୍ତି, ସେମାନେ କିସମିସ୍ ପାଣି ପିଇବା ଉଚିତ୍ ।