ଖରାଦିନେ ସାଧାରଣତଃ ଖାଦ୍ୟ ପେୟର ରୁଚି ବଦଳିଯାଇଥାଏ । ଖରାଦିନେ ଶରୀରରୁ ଜଳୀୟ ଅଂଶ କମିଯାଇଥାଏ | ଏହିଦିନରେ ଆଖୁରସ ଆପଣଙ୍କ ପାଇଁ ବହୁ ଲାଭକାରୀ । ଏହା ଶରୀରକୁ ଶକ୍ତି ଦେବା ସହ ଅନେକ ସମସ୍ୟାର ମଧ୍ୟ ସମାଧାନ କରିଥାଏ । ଖରାଦିନେ ଅଧିକ ପରିମାଣରେ ଫଳରସ ପିିଇବାକୁ ସମସ୍ତେ ଚାହାନ୍ତି । ଏହା ଶରୀରକୁ ସତେଜ ରଖିବାରେ ସାହାର୍ଯ୍ୟ କରେ । ଏଥିରେ କ୍ୟାଲସିୟମ, ପୋଟାସିୟମ, ମ୍ୟାଗ୍ନେସିୟମ ଆଦି ଭରପୁର ପରିମାଣରେ ଥାଏ । ଆଖୁରସ ହାଡକୁ ଶକ୍ତ ରଖିବାରେ ସାହାର୍ଯ୍ୟ କରିଥାଏ । ଯଦି ଆମେ ପ୍ରତିଦିନ ଆଖୁରସ ପିିଇବା ତେବେ ଏହା ଶରୀରର ଉର୍ଜାକୁ ବଢାଇଥାଏ ।

ଆଖୁରସ ଯକୃତ ପାଇଁ ବହୁତ ଫାଇଦାକାରୀ ହୋଇଥାଏ । ଏଥିରେ ଥିବା ଆଣ୍ଟିଅକ୍ସିଡେଣ୍ଟ ଯକୃତରୁ ଅଦରକାରୀ ତତ୍ୱକୁ ବାହାର କରି ଇନ୍ଫେକଶନରୁ ବଞ୍ଚାଇଥାଏ ।
ଆଖୁରସରେ ଏମିତି ତତ୍ୱ ଅଛି ଯାହା ଶରୀରକୁ କ୍ୟାନସରରୁ ବଞ୍ଚାଇଥାଏ । ବ୍ରେଷ୍ଟ କ୍ୟାନସର ଭଳି ମାରାତ୍ମକ ରୋଗ ସହ ଲଢିବାରେ ସାହାଯ୍ୟ କରିଥାଏ ।
ଆଖୁ ରସ ପରିସ୍ରା ସଂକ୍ରମଣରୁ ରକ୍ଷା କରିଥାଏ ସାଧାରଣତଃ ମହିଳାଙ୍କ ଠାରେ ଏହି ସମସ୍ୟା ବେଶୀ ମାତ୍ରାରେ ଦେଖାଯାଇଥାଏ । ଏହି ପରିସ୍ଥିତିରେ ଯଦି ଆପଣ ନିୟମିତ ଆଖୁରସ ପିଇବେ ତେବେ ଏହା ଆପଣଙ୍କ ପାଇଁ ବିଶେଷ ଲାଭକାରୀ ହେବ । ଆଖୁରସ ଶରୀରରୁ ଅଦରକାରୀ ପଦାର୍ଥକୁ କାଢିଥାଏ ।
ଯାହାର ତ୍ୱଚାର ସମସ୍ୟା ଥାଏ ତାଙ୍କ ପାଇଁ ଆଖୁ ରସ ବହୁ ଲାଭକାରୀ ହୋଇଥାଏ । ସେ ନିୟମିତ ଆଖୁରସ ପିଇବା ଆବଶ୍ୟକ । ଏହା ତ୍ୱଚାକୁ ଚିକ୍କଣ କରିବା ସହ ଚମକଦାର କରିଥାଏ ।