ଦହି ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ଅଟେ । ଏଥିରେ କ୍ୟାଲସିୟମ,ପ୍ରୋଟିନ ଏବଂ ଭିଟାମିନ ଭରପୂର ମାତ୍ରାରେ ମିଳିଥାଏ । ଯଦି ପ୍ରତିଦିନ ଆମେ ଦହି ଖାଇବା ତେବେ ଆମର ହଜମ ପ୍ରକ୍ରିୟା ସମ୍ପୂର୍ଣ୍ଣ ଠିକ ରହିଥାଏ । ଦହି ସୌନ୍ଦର୍ଯ୍ୟ ବଢାଇବାରେ ମଧ୍ୟ ଉପଯୋଗୀ ହୋଇଥାଏ । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଦହିର ବ୍ୟବହାର କ୍ଷୀର ଅପେକ୍ଷା ବହୁ ଗୁଣରେ ଲାଭକାରୀ, କାରଣ କ୍ଷୀର ଅପେକ୍ଷା ଦହିରେ ଅଧିକ କ୍ୟାଲସିୟମ ଥାଏ ଏବଂ ଏହା ସହଜରେ ହଜମ ମଧ୍ୟ ହୋଇଥାଏ । ବିଶେଷଜ୍ଞଙ୍କ କହିବା ଅନୁଯାୟୀ ପେଟ ଜନିତ ସମସ୍ୟା, ଯେପରିକି ଅପଚ ସମସ୍ୟା, ଭୋକ ନ ଲାଗିବା ଭଳି ସମସ୍ୟା ଅଛି ସେମାନେ ନିଶ୍ଚିତ ଦହି ଖାଇବା ଉଚିତ । କିନ୍ତୁ ଆପଣ ଜାଣନ୍ତି କି କିଛି ଜିନିଷ ଦହି ସହିତ ଖାଇବା ଉଚିତ୍ ନୁହେଁ,ନଚେତ୍ ଏହା ସ୍ୱାସ୍ଥ୍ୟ ପାଇଁ ବଡ କ୍ଷତିକାରକ ହୋଇପାରେ । ତେବେ ଆସନ୍ତୁ ଜାଣିବା କେଉଁ ଜିନିଷ ଦହି ସହିତ ଖାଇବା ଉଚିତ୍ ନୁହେଁ?
![](https://ansodia.in/wp-content/uploads/2021/09/whole-halved-oranges-1024x750.jpg)
ଦହି ଏବଂ ଖଟା ଫଳ: ବିଶେଷଜ୍ଞ କହିବା ଅନୁଯାୟୀ ଦହି ସହିତ ଖଟା ଫଳ ଖାଇବା ଉଚିତ୍ ନୁହେଁ । କାରଣ ଉଭୟରେ ଭିନ୍ନ ଭିନ୍ନ ପ୍ରକାର ଏନଜାଇମ ଥାଏ । ଏହି କାରଣରୁ ଉଭୟ ଜିନିଷକୁ ଏକାଠି ହଜମ କରିବାରେ କଷ୍ଟକର ହୋଇଥାଏ ଏବଂ ଶରୀରେ ବିଷାକ୍ତ ପଦାର୍ଥ ସୃଷ୍ଟି ହୁଏ, ଯାହା ଶରୀରରେ ଭୟଙ୍କର କ୍ଷତି ଘଟାଇଥାଏ ।
![](https://ansodia.in/wp-content/uploads/2021/09/5e77b0509a2d83033a98c177_How-to-choose-the-best-piece-of-fish-1024x576.jpeg)
ଦହି ଏବଂ ମାଛ : ଦହି ସହିତ ଭୁଲରେ ମଧ୍ୟ ମାଛ ଖାଇବା ଉଚିତ୍ ନୁହେଁ, କାରଣ ଏହା ପରସ୍ପର ବିପରୀତ ଅଟନ୍ତି । ଯଦି ଆପଣ ଆପଣ ଏହି ଦୁହିଁକୁ ଏକାଠି ଖାଆନ୍ତି ତେବେ ଆପଣଙ୍କର ସ୍ୱାସ୍ଥ୍ୟ ସମ୍ବନ୍ଧୀୟ ଅନେକ ସମସ୍ୟା ହୋଇପାରେ,ଯେଉଁଥିରେ ପେଟ ସମ୍ବନ୍ଧୀୟ ସମସ୍ୟା ସାଧାରଣ ଅଟେ ।
![](https://ansodia.in/wp-content/uploads/2021/09/maxresdefault_6810718_835x547-m.jpg)
ଦହି ଏବଂ ପିଆଜ: ଦହି ସହିତ ପିଆଜ ଖାଇବା ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇପାରେ । ବାସ୍ତବରେ ଏମାନଙ୍କ ପ୍ରଭାବ ଅଲଗା ଅଲଗା ହୋଇଥାଏ, ଉଭୟଙ୍କୁ ଏକାଠି ଖାଇବା ଦ୍ୱାରା ସ୍ୱାସ୍ଥ୍ୟ ଜନିତ ଅନେକ ସମସ୍ୟା ଦେଖାଯିବା ସହ ପେଟ ଜନିତ ସମସ୍ୟା ହୋଇଥାଏ ।ଏହି କାରଣରୁ ଆପଣ ମାନେ ସତର୍କ ରହିବା ଉଚିତ ।
![](https://ansodia.in/wp-content/uploads/2021/09/Moong-Dal-Recipe-Step-By-Step-Instructions-scaled-1-1024x777.jpg)
ଦହି ଏବଂ ହରଡ ଡାଲି: ଦହି ସହିତ ମଧ୍ୟ ହରଡ ଡାଲି ଖାଉବା ଉଚିତ ନୁହେଁ । ବିଶେଷଜ୍ଞଙ୍କ କହିବା ଅନୁଯାୟୀ ଏହି ଦୁହିଁଙ୍କୁ ଏକାଠି ଖାବା ଦ୍ୱାରା ଶରୀରକୁ କ୍ଷତି ପହଁଞ୍ଚାଇଥାଏ ଏବଂ ହଜମ ସମସ୍ୟା ସୃଷ୍ଟି କରିଥାଏ ।