ପ୍ରକୃତିରେ ଏପରି ଅନେକ ଜିନିଷ ଅଛି ଯାହା ଆପଣଙ୍କୁ ପ୍ରାକୃତିକ ସୌନ୍ଦର୍ଯ୍ୟ ଦେବାରେ ସାହାର୍ଯ୍ୟ କରେ। ଏଭଳି ବାହାରେ ମିଳୁଥିବା କେମିକାଲ ଯୁକ୍ତ ପ୍ରଡକ୍ଟସ୍ ବ୍ୟବହାର କରି ମଧ୍ୟ ଲୋକେମାନେ ତ୍ୱଚାରେ ଚମକ ପାଇ ପାରନ୍ତି ନାହିଁ । କିନ୍ତୁ ଆଜି ଆମେ ଆପଣଙ୍କୁ ଏପରି କିଛି ଜିନିଷ ବିଷୟରେ ଜଣାଇବୁ ଯାହାକୁ ବ୍ୟବହାର କରି ଆପଣ ତ୍ୱଚା ଏବଂ କେଶରେ ଚମକ ଆଣିପାରିବେ।
୧. ଟି ଟ୍ରୀ ତେଲ: ମୁହଁରେ ବ୍ରଣ ହେବା ଏବେ ଏକ ସାଧାରଣ ସମସ୍ୟା। ବ୍ୟକ୍ଟେରିଆ ସଂକ୍ରମଣ ଏବଂ ତ୍ୱଚାର ଛିଦ୍ରତା ବନ୍ଦ ହୋଇଯିବା ଦ୍ୱାରା ବ୍ରଣ ହୋଇଥାଏ। କିନ୍ତୁ ଟି ଟ୍ରୀ ତେଲରେ ଥିବା ଆଣ୍ଟି-ବ୍ୟାକ୍ଟେରିଆଲ୍, ଆଣ୍ଟି-ମାଇକ୍ରୋବାୟଲ୍ ଏବଂ ଆଣ୍ଟି-ଇନଫ୍ଲାମେଟୋରୀ ଗୁଣ ରହିଛି ଯାହା ତ୍ୱଚାକୁ ସଫା କରେ ଏବଂ ବ୍ରଣକୁ ଦୂର କରିବାରେ ସାହାର୍ଯ୍ୟ କରେ । ୨ ବୁନ୍ଦା ଟି ଟ୍ରୀ ତେଲକୁ ୧୨ ବୁନ୍ଦା ନଡିଆ ତେଲ କିମ୍ବା ବାଦାମ ତେଲରେ ମିଶାଇ ବ୍ରଣ ହୋଇଥିବା ସ୍ଥାନରେ ଲଗାନ୍ତୁ । ଏହାକୁ ୧୦-୧୫ ମିନିଟ୍ ପରେ ଧୋଇଦିଅନ୍ତୁ।
୨. ଆଲୋଭେରା: ଆଲୋ ଭେରା ଏକ ସର୍ବଦଳୀୟ ଉଦ୍ଭିଦ ଯାହା ବ୍ରଣଠାରୁ ଆରମ୍ଭ କରି ଦାଗ ଏବଂ ସନଟ୍ୟାନ୍ ପର୍ୟ୍ୟନ୍ତ ସବୁକିଛି ଭଲ କରିପାରେ । ପୋଡାଜଳା ଏବଂ କ୍ଷତ ଆରୋଗ୍ୟରେ ମଧ୍ୟ ଆଲୋ ଭେରା ସାହାଯ୍ୟ କରିଥାଏ । ଆଲୋ ଭେରା ଜେଲକୁ ସନଟ୍ୟାନ୍ ହୋଇଥିବା ଜାଗାରେ ଲଗାନ୍ତୁ ଏବଂ ଚର୍ମକୁ ହାଲକା ହାତରେ ମାଲିସ୍ କରନ୍ତୁ। ସନଟ୍ୟାନରୁ ଅଧିକ ଆରାମ ପାଇଁ, ଆପଣ ଆଲୋଭେରା ଜେଲକୁ ବ୍ୟବହାର କରିବା ପୂର୍ବରୁ କିଛି ମିନିଟ୍ ପାଇଁ ଜେଲକୁ ରେଫ୍ରିଜରେଟରରେ ରଖିପାରିବେ ।
୩.ନିମ୍ବ: ରୂପି ପାଇଁ .ନିମ୍ବ ହେଉଛି ଏପରି ଏକ ଔଷଧୀୟ ଗଛ ଯାହାକି ଚିକିତ୍ସା ପାଇଁ ବର୍ଷ ବର୍ଷ ଧରି ବ୍ୟବହୃତ ହୋଇଆସୁଛି । ଡାଣ୍ଡ୍ରଫ୍ ହେଉଛି ଏକ ତ୍ୱଚା ସମସ୍ୟା ଯାହା ଜୀବାଣୁ ସଂକ୍ରମଣ ଏବଂ ରାସାୟନିକ ପଦାର୍ଥ କାରଣରୁ ହୋଇଥାଏ । ନିମ୍ବରେ ଆଣ୍ଟି-ବ୍ୟାକ୍ଟେରିଆଲ୍ ଗୁଣ ଅଛି ଯାହା ତ୍ୱଚାକୁ ସଫା ରଖିବା ଏବଂ ରୂପିକୁ ହଟାଇବ ରେ ସାହାର୍ଯ୍ୟ କରେ ।କିଛି ପାଣି ସହିତ ମୁଠାଏ ନିମ୍ବ ପତ୍ରକୁ ଗ୍ରାଇଣ୍ଡ୍ କରି ଏକ ପେଷ୍ଟ ପ୍ରସ୍ତୁତ କରନ୍ତୁ । ଏହି ପେଷ୍ଟକୁ ଆପଣଙ୍କ ମୁଣ୍ଡରେ ଲଗାନ୍ତୁ । ଏହାକୁ ଲଗାଇବାର ୧୫-୨୦ ମିନିଟ୍ ପରେ ଧୋଇ ଦିଅନ୍ତୁ।
୪. ତୁଲସୀ: ସ୍ୱଚ୍ଛ ଚର୍ମ ପାଇଁ ତୁଲସୀ ଅପେକ୍ଷା କୌଣସି ଭଲ ପ୍ରତିକାର ନାହିଁ । ତୁଳସୀ ହେଉଛି ଆଣ୍ଟି ବ୍ୟାକ୍ଟେରିଆଲ୍, ଆଣ୍ଟି- ଇନଫ୍ଲାମେଟୋରୀ, ଆଣ୍ଟିଫଙ୍ଗାଲ୍ ଗୁଣରେ ଭରପୁର ଯାହା ଚର୍ମ ସମସ୍ୟା ସହ ବ୍ରଣ, ବ୍ଲାକହେଡ୍ସ ଭଳି ବିଭିନ୍ନ ସମସ୍ୟାକୁ ରୋକିବାରେ ସାହାଯ୍ୟ କରିଥାଏ । ଅଳ୍ପ ପାଣିରେ ତୁଲସୀ ପତ୍ରକୁ ଗ୍ରାଇଣ୍ଡ୍ କରି ଏକ ପେଷ୍ଟ ପ୍ରସ୍ତୁତ କରନ୍ତୁ । ଏହି ପେଷ୍ଟକୁ ଆପଣଙ୍କ ମୁହଁରେ ଲଗାନ୍ତୁ। ଲଗାଇବାର ୧୦-୧୫ ମିନିଟ ପରେ ଏହାକୁ ଧୋଇ ଦିଅନ୍ତୁ।