ହୋଲି ହେଉଛି ଆନନ୍ଦ ଉଲ୍ଲାସର ପର୍ବ । ସମସ୍ତେ ବହୁ ଆନନ୍ଦରେ ଏହି ପର୍ବ ପାଳନ କରିଥାନ୍ତି । କିନ୍ତୁ ବେଳେବେଳେ ନିଜର ଅସାବଧାନତା ଓ ଭୁଲ ଯୋଗୁ ଏହି ଖୁସିର ପର୍ବରେ ଆମେ ଅନେକ ସମସ୍ୟାର ସମ୍ମୁଖୀନ ହୋଇଥାଉ । ସେହିଭଳି ଏହି ଦିନରେ ଜଣେ ଅନ୍ୟ ଜଣଙ୍କୁ ରଙ୍ଗ ଲଗାଇ ଏହି ପର୍ବ ପାଳନ କରନ୍ତି । ବେଳେବେଳେ ଏହି ରଙ୍ଗ ଖେଳିବା ପରେ ଆମର ଛୋଟ ଛୋଟ ଭୁଲ ତ୍ୱଚାକୁ ଖରାପ କରିଦେଇଥାଏ । କାରଣ ଲୋକେମାନେ ବଜାରରେ ମିଳୁଥିବା କେମିକାଲ ଯୁକ୍ତ ରଙ୍ଗକୁ ଆଣି ହୋଲି ଖେଳନ୍ତି । କିନ୍ତୁ ସେମାନେ ଭୁଲି ଯାଆନ୍ତି କି ଏହି ରଙ୍ଗ କେମିକାଲ ଯୁକ୍ତ ହୋଇଥାଏ । ଯାହା ପରେ ତ୍ୱଚାରେ ବହୁତ ଖରାପ ପ୍ରଭାବ ପକାଇଥାଏ । ବିଶେଷଜ୍ଞଙ୍କ କହିବା ଅନୁସାରେ କେମିକାଲ ଯୁକ୍ତ ରଙ୍ଗ ତ୍ୱଚାରେ ଲାଗିଲେ ଏହା ଆଲର୍ଜି , ରୁଖାପଣ,ଦାଗ ଏବଂ ବ୍ରଣ ଭଳି ସମସ୍ୟା ହୋଇପାରେ । ସେଥିପାଇଁ କେମିକାଲ ଯୁକ୍ତ ରଙ୍ଗ ଅପେକ୍ଷା ହର୍ବାଲ ରଙ୍ଗରେ ହୋଲି ଖେଳିବା ଆବଶ୍ୟକ । ତେବେ ଚାଲନ୍ତୁ ନଜର ପକାଇବା ହୋଲି ସମୟରେ କିଭଳି ଭାବେ ନିଜ ତ୍ୱଚାର ଯତ୍ନ ନେବେ ।
ହୋଲି ଖେଳିବା ପୂର୍ବରୁ ତ୍ୱଚାରେ ମଶ୍ଚରାଇଜରକୁ ଭଲଭାବେ ଲଗାଇନିଅନ୍ତୁ । ଏହାଦ୍ୱାରା ତ୍ୱଚା ମୂଲାୟମ ରହିବା ସହ ରଙ୍ଗର ପ୍ରଭାବ ଶରୀର ଭିତରକୁ ଯାଇପାରେ ନାହିଁ । ରଙ୍ଗ ଛଡାଇବା ମଧ୍ୟ ସହଜ ହୋଇଥାଏ ।
ସେହିଭଳି କେମିକାଲ ଯୁକ୍ତ ରଙ୍ଗରେ ହୋଲି ଖେଳିବା ଦ୍ୱାରା ତ୍ୱଚା ପୋଡା ହେବା ସହ ରୁଖା ମଧ୍ୟ ହୋଇଥାଏ । ସେଥିପାଇଁ ରଙ୍ଗ ଖେଳିବା ପୂର୍ବରୁ ସନସ୍କିନ ଲୋସନ ଲଗାଇବା ନିହାତି ଆବଶ୍ୟକ । କାରଣ ଏହା ତ୍ୱଚାକୁ ସୁରକ୍ଷା ଦେବାରେ ସାହାଯ୍ୟ କରିଥାଏ।
ରଙ୍ଗ ଖେଳିବା ସମୟରେ ତ୍ୱଚା ସହିତ କେଶର ଯତ୍ନ ନେବା ମଧ୍ୟ ନିହାତି ଆବଶ୍ୟକ । ଏଥିପାଇଁ ଆପଣ ରଙ୍ଗ ଖେଳିବା ପୂର୍ବରୁ କେଶରେ ନଡିଆ ତେଲ ଲଗାଇବା ନିହାତି ଆବଶ୍ୟକ । ଏପରି କରିବା ଦ୍ୱରା କେଶରୁ ସହଜରେ ରଙ୍ଗ ଛାଡିଯାଇଥାଏ ।
