ରାଜଧାନୀରେ ତାତି; ୪୦ ଡିଗ୍ରୀ ଉପରେ ପାରଦ

ଭୁବନେଶ୍ୱର, ଗତକାଲି ରାଜାନୀର ତାପମାତ୍ରା ସ୍ୱାଭାବିକ୍ ଥିବାବେଳେ ଆଜି ତାପମାତ୍ରାରେ ପୁଣି ବୃଦ୍ଧି ଘଟିଛି । ପାରଦ ୪୦ ଡିଗ୍ରୀକୁ ବୃଦ୍ଧି ହୋଇଛି । ତେବେ ଆସନ୍ତା ୪ ରୁ ୫ ଦିନ ରାଜ୍ୟରେ ଗରମ ଜାରି ରହିବ । ଏନେଇ ପାଣିପାଗ ବିଭାଗ ସୂଚନା ଦେଇଛି । ରାଜଧାନୀ ଭୁବନେଶ୍ୱର ଓ ବାରିପଦାରେ ତାପମାତ୍ରା ୪୦ ଡିଗ୍ରୀ ପହଞ୍ଚିଥିବା ବେଳେ ଅନ୍ୟ ୫ଟି ସ୍ଥାନରେ ତାପମାତ୍ରା ୩୯ ଡିଗ୍ରୀ ରହିଛି ।ତେବେ କଟକ ୩୯.୬, ମାଲକାନଗିରି ୩୯, ନୟାଗଡ଼ ୩୯, ତାଳଚେର ୩୮.୮, ଟିଟିଲାଗଡ଼ ୩୮.୫ ଡିଗ୍ରୀ ତାପମାତ୍ରା ରହିଛି ।
ପାଣିପାଗ ବିଭାଗର ସୂଚନା ଅନୁସାରେ, ଆସନ୍ତା ୨୪ ତାରିଖ ପର୍ଯ୍ୟନ୍ତ ରାଜ୍ୟରେ କିଛି ଅଞ୍ଚଳରେ କାଳବୈଶାଖୀ ଜନିତ ବର୍ଷା ହୋଇପାରେ ଏବଂ ଉପକୂଳ ଓଡ଼ିଶାରେ ବର୍ଷାର ସମ୍ଭାବନା କମ୍ ରହିଛି ।