ରାଉରକେଲାରେ ଆରମ୍ଭ ସେରୋ ସର୍ଭିଲାନ୍ସ ଟେଷ୍ଟ

ରାଉରକେଲା, ଆଜିଠାରୁ ରାଉରକେଲା ସହରରେ ଆରମ୍ଭ ହୋଇଛି ସେରୋ ସର୍ଭିଲାନ୍ସ । ସୁନ୍ଦରଗଡ଼ ଜିଲ୍ଲାରେ କରୋନା ସଂକ୍ରମିତଙ୍କ ସଂଖ୍ୟା ବଢ଼ିବାରେ ଲାଗିଛି । ଏହାକୁ ନିୟନ୍ତ୍ରଣାଧିନ କରିବା ପାଇଁ ଆଜିଠାରୁ ଆରମ୍ଭ ହୋଇଛି ସେରୋ ସର୍ଭିଲାନ୍ସ । ଏହି ସର୍ଭେ ନିମନ୍ତେ ୧୭ଜଣିଆ ଏକ ଟିମ୍ ରାଉରକେଲାରେ ପହଞ୍ଚିଛନ୍ତି । ସେଠାରେ ରାଉରକେଲା ମହାନଗରନିଗମ କମିଶନରଙ୍କ ଅଧ୍ୟକ୍ଷତାରେ ଆରଏମସି ଟିମ୍ ଓ ସ୍ୱାସ୍ଥ୍ୟ ବିଭାଗ ଅଧିକାରୀଙ୍କ ସହ ଏ ସମ୍ପର୍କରେ ଆଲୋଚନା କରିଛନ୍ତି । ସୂଚନାଥାଉକି, ସୁନ୍ଦରଗଡ଼ ଜିଲ୍ଲାରେ ଏବେ ୯୨୮ଟି ଅକ୍ଟିଭ କେସ ଥିବାବେଳେ, କରୋନାରେ ୩୫ଜଣଙ୍କର ପ୍ରାଣହାନୀ ଘଟିଛି ।