ନୂଆଦିଲ୍ଲୀ, କରୋନାର ଦ୍ୱିତୀୟ ଲହର ସାରା ରାଜ୍ୟରେ ମୁଣ୍ଡ ବିନ୍ଧାର କାରଣ ହୋଇଛି । କିଛି ଦିନ ତଳେ ଆକ୍ରାନ୍ତଙ୍କ ସଂଖ୍ୟା କମୁଥିବାବେଳେ ଏବେ ପୁଣି କରୋନା ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଖେଳ ଜଗତରେ ମଧ୍ୟ କରୋନାର ବିଶେଷ ପ୍ରଭାବ ଦେଖା ଦେଇଛି । ଭାରତୀୟ ମହିଳା କ୍ରିକେଟ ଟି-୨୦ ଦଳର ଅଧିନାୟିକା ହରମନପ୍ରୀତ କୌର କରୋନା ପଜିଟିଭ ଚିହ୍ନଟ ହୋଇଛନ୍ତି । ପଜିଟିଭ ଚିହ୍ନଟ ପରେ ଏବେ ହରମନପ୍ରୀତ କ୍ୱାରେଣ୍ଟାଇନରେ ରହୁଛନ୍ତି ।
ସେହିପରି ନିକଟରେ ଭାରତରେ ଖେଳାଯାଇଥିବା ୱାର୍ଲଡ ରୋଡ଼ ସେଫଟି ସିରିଜରେ ଖେଳିଥିବା ଚାରିଜଣ ଭାରତୀୟ ଖେଳାଳି କରୋନା ପଜିଟିଭ୍ ବୋଲି ଜଣାପଡିଛି। ପ୍ରଥମେ ସଚିନ ତେନ୍ଦୁଲକର କରୋନା ପଜିଟିଭ ଚିହ୍ନଟ ହୋଇଥିଲେ ଏବଂ ପରେ ଭାରତୀୟ କ୍ରିକେଟ ଦଳର ପୂର୍ବତନ କ୍ରିକେଟର ୟୁସୁଫ ପଠାନ,ଇରଫାନ ପଠାନ ଏବଂ ବଦ୍ରିନାଥଙ୍କୁ କରୋନା ହୋଇଥିବା ସୂଚନା ରହିଛି ।