ଗତ କିଛି ସପ୍ତାହ ଧରି ଖବର ଶୁଣିବାକୁ ମିଳୁଛି କ୍ୟାଟ୍ରିନା କୈଫ୍ ଏବଂ ଭିକ୍କୀ କୌସଲ ବିବାହ ବନ୍ଧନରେ ଯୋଡି ହେବାକୁ ଯାଉଛନ୍ତି । ଏନେଇ ଉଭୟଙ୍କ ଡିଜାଇନର୍ ପୋଷାକ ଏବଂ ବିବାହ ସ୍ଥଳ ସହ ଜଡିତ ଅନେକ ଖବର ସାମ୍ନାକୁ ଆସୁଛି, ଯାହା ବିଷୟରେ ଜାଣିବା ପାଇଁ ମଧ୍ୟ ଫ୍ୟାନ୍ସମାନେ ଉତ୍ସାହର ସହ ଅପେକ୍ଷା କରି ରହିଛନ୍ତି । ଏସବୁ ଭିତରେ ବର୍ତ୍ତମାନ ସୂଚନା ଅନୁଯାୟୀ ଉଭୟ ବିବାହର ପ୍ରସ୍ତୁତି ପାଇଁ କାମରୁ ବ୍ରେକ୍ ନେବାକୁ ଯାଉଛନ୍ତି ।
ବର୍ତ୍ତମାନ କ୍ୟାଟ୍ରିନା କୈଫ୍ ତାଙ୍କର ଆଗାମୀ ଚଳଚ୍ଚିତ୍ର ସୂର୍ଯ୍ୟବଂଶୀ ପ୍ରମୋସନରେ ବ୍ୟସ୍ତ ଅଛନ୍ତି, ଯାହା ନଭେମ୍ବର ୫ ରେ ରିଲିଜ ହେବ। ଏହି ଫିଲ୍ମ ରିଲିଜ ହେବା ପରେ କ୍ୟାଟ୍ରିନା ସଲମାନ ଖାନଙ୍କ ସହ ଟାଇଗର ୩ ର ସୁଟିଂ ଆରମ୍ଭ କରିବେ । ଖବର ଅନୁଯାୟୀ, ଏହି ଚଳଚ୍ଚିତ୍ରର ସୁଟିଂ ୨୦୨୨ ରୁ ଆରମ୍ଭ ହେବ।
ସୂଚନା ମୁତାବକ ଭିକ୍କୀ କୌସଲ ଏବଂ କ୍ୟାଟ୍ରିନା କୈଫ୍ ଆସନ୍ତା ୭ ଡିସେମ୍ବରରୁ ୯ ଡିସେମ୍ବର ମଧ୍ୟରେ ବିବାହ ବନ୍ଧନରେ ବାନ୍ଧି ହେବେ । ଏନେଇ ଉଭୟ ରାଜସ୍ଥାନର ସିକ୍ସ ସେନ୍ସ ଦୁର୍ଗରେ ବିବାହ କରିବାକୁ ନେଇ ବିଚାର କରୁଛନ୍ତି।
ବିବାହ ଉତ୍ସବରେ ଯୋଗଦେବେ ସଲମାନ ଖାନ
ରିପୋର୍ଟ ଅନୁଯାୟୀ, କ୍ୟାଟ୍ରିନା-ଭିକ୍କୀ ସଲମାନ ଖାନ ଏବଂ ତାଙ୍କ ପରିବାରର ନାମ ସମେତ ବିବାହ ଉତ୍ସବରେ ଯୋଗ ଦେଇଥିବା ସମସ୍ତ ଅତିଥିଙ୍କ ତାଲିକା ପ୍ରସ୍ତୁତ କରିଛନ୍ତି। ଅନ୍ୟପଟେ ଶୁଣିବାକୁ ମିଳିଛି ଉଭୟଙ୍କ ବିବାହ ପାଇଁ ଡ୍ରେସ୍ ଡିଜାଇନ୍ ଲୋକପ୍ରିୟ ଡିଜାଇନର୍ ସାବ୍ୟାସାଚି ଡିଜାଇନ୍ କରିବେ।
